تستمع الآن

زكي فطين عبد الوهاب ينتقد «الزعيم»: «عمل إيه في السنوات الأخيرة غير نفس الدور.. والكاريزما سبب استمراره»

الأحد - ١٢ أبريل ٢٠٢٠

أثار الفنان زكي فطين عبد الوهاب الجدل بعدما هاجم الزعيم عادل إمام عبر حسابه في «فيسبوك».

وكتب «زكي»: «سؤال من غير شتيمه لو سمحتوا .. هو عادل امام الملقب ب “الزعيم” .. عمل ايه فى السنوات الاخيره .. غير نفس الشخصيه .. نفس الدور .. نفس الافيه».

وأضاف في منشور تالٍ: «اعتقد انه معتمد على الكاريزما .. مش اكتر .. الناس عايزه تشوف ” عادل امام” .. ايا كان اللى بيقدمه».

وأوضح زكي فطين عبد الوهاب «الناس اللى بيقولوا انى بهاجم الفنان عادل امام .. انا انتقدت ادواره فى الفتره الاخيره لانها متشابهه .. فده مش هجوم .. ورأيى الشخصى انه يتمتع ب “كاريزما” قويه وده سبب استمراره على الساحه .. وارى ان اهم اعماله فيلم ” الحريف” للراحل ” محمد خان” ومجموعه افلام الثنائى الاستاذ وحيد حامد والاستاذ شريف عرفه .. واتمنى لمسلسل “فالنتينو” ان يكون على نفس المستوى اللائق بتاريخ ” عادل امام” .. وده مجرد رأى »، مضيفًا أنه يعتبر آخر أدوار عادل إمام بالنسبة له هو «عمارة يعقوبيان».

وأكد «انا شخصيا ليا ادوار متكرره ومتشابهه كتير .. لانى مش نجم صف اول .. هى دى الادوار  اللى بتتعرض عليا يااما مفيش شغل ..وبقيت حبيس دور” رجل الاعمال الفاسد” وماعنديش رفاهيه الاختيار .. انما النجم فى السنوات الاخيره ..  بقى هو اللى بيختار عناصر العمل من كتاب لمخرج لترشيحات الادوار التانيه.. بقى هو المسئول الاول والاخير .. وده مجرد رأى».

وكان زكي فطين عبد الوهاب شن مؤخرًا هجوم كبير على “الهضبة” عمرو دياب مدافعا في الوقت نفسه عن أغاني المهرجانات ضد قرار منعهم من الغناء الذي أصدرته نقابة المهن الموسيقية برئاسة النقيب هاني شاكر.

وكتب فطين عبر حسابه على “فيسبوك”: “أنا عارف إن في ناس هتزعل من الكلام اللي هقوله، لكن بعد الهجوم الشرس على أغاني وموسيقى المهرجانات.. نفسي أفهم عمرو دياب الملقب بالهضبة.. بمناسبة إيه؟”.

وتابع: “أغانيه وألحانه وكلمات أغانيه هي هي من 20 سنة.. ده إفلاس فني ما بعده إفلاس.. أغاني المهرجانات فيها تجديد وابتكار وتنوع أكتر بكتير غصب عن الملحن الفذ حلمي بكر”.


الكلمات المتعلقة‎


مواضيع ممكن تعجبك