تستمع الآن

أحمد فهمي لـ«رمضان»: «أنت مش أعلى أجر ولا إيرادات ده كلام أنت بتبيعه للجمهور»

الخميس - ١٦ أبريل ٢٠٢٠

رد الفنان أحمد فهمي على أزمة التصريحات التي حدثت بينه وبين الفنان محمد رمضان بعد تصريحات «فهمي» لبرنامج «جمهور التالتة» مع الإعلامي إبراهيم فايق.

وقال أحمد فهمي في مداخلة بحلقة أمس من «جمهور التالتة»: «معرفش هو أخذ الفيديو بأي شكل، أحنا رجالة، تعالا نتكلم كلام من غير تلقيح، فما ينفعش أنزل حاجة عالأكونت ألقح على فهمي أو ألقح على رمضان، أنا بتمنالك كل خير أنت ليه بتهاجمني».

وتابع «فهمي»: «الفكرة إني لقيتك بتلقح عليا، أنا بتكلم عليك كويس جدًا، أنت بتهاجمني ليه، ده أنت بتنتقدنا كلنا دايمًا وما حدش بيتكلم ولا بيرد ولما حد بيرد بتطلع كلام إننا غيرانين بحجة إنك بتدعي إنك أعلى أجر وأعلى إيرادات وأنت مش الأعلى أجر ولا الأعلى إيرادات ده كلام أنت بتبيعه للجمهور وللأسف الناس بتصدق».

وأضاف: «أنا مش بحب أكبر نفسي ولا أنا أحسن واحد بس أنا كان عندي مسلسل السنة اللي فاتت وهو كان عنده مسلسل لو طلع أجرك يا سيدي مش أكتر مني لو طلع أدي بس أنا مش هفتح بؤي تاني».

واختتم «فهمي» حديثه بتمني النجاح لـ«رمضان» في مسلسل الجديد «البرنس» قائلًا «إن شاء الله البرنس ‏يكسر الدنيا ورمضان كريم يا محمد».

كان أحمد فهمي كشف عن رفضه العمل مع محمد رمضان، قائلا: «لن أتعاون مع محمد رمضان في أي عمل فني»، مشيرا إلى أن كل منهما مدرسة مختلفة عن الآخر.

وكشف أحمد فهمي عن حقيقة منعه زوجته الفنانة هنا الزاهد من المشاركة كضيفة شرف مع محمد رمضان في مسلسل «البرنس» في رمضان 2020، مشيرا إلى أنه لم يمنعها.

وأضاف: «لم أمنعها، وبالفعل عرض عليها الظهور كضيف شرف في المسلسل ومثلما هي زوجتي فتأخذ رأيي في العرض المقدم وهل المساحة المعروضة كافية لهنا الزاهد الآن، فأجبت لأ غير مناسبة ولهذا لم تقبله».

كما كشف عن حقيقة الخلافات مع محمد رمضان، قائلًا: «طلعت في برنامح قبل ذلك وتكلمت بشكل جيد عنه وأنا أحبه، لكن فكرة أنك أجمد مننا كلنا صعبة لأن في ناس سبقانا بمسافات وتعبت جدًا ودول على دماغنا».

واستطرد: «مثلا في واقعة الطيار أنا لا أعرف من المخطئ، لكن لما نزل صورة المستشفى والإيفيه بتاع الدكتور وهو قصده هزار، لكن أنا شفتها أن في راجل اتفصل عن العمل، وفي أكل عيش اتقطع ومش وقت هزار».

وتابع: «أنا هزرت وهو رد على الهزار ثم أنا هزرت وبعدها سكت، لكن أنا معنديش موقف تجاهه، ومفيش حاجة جوايا تجاه رمضان وهو ممثل كبير».

ورد الفنان محمد رمضان على تصريحات الفنان أحمد فهمي بفيديو نشره عبر صفحته الرسمية على موقع «فيسبوك».

وتضمن الفيديو الذي نشره محمد رمضان، ظهور أحمد فهمي في برنامج «واحد من الناس» مع الإعلامي عمرو الليثي، يتحدث فيها عنه.

وقال فهمي: «محمد رمضان نجم وناجح جدا وموهوب جدا ومش محتاج أجامله، وفكرة أنه شبه الناس.. ده كلام فاضي بتاع ناس مش عايزة تنجح».


الكلمات المتعلقة‎


مواضيع ممكن تعجبك