تستمع الآن

فيفي عبده في رسالة غاضبة لغير الملتزمين بالحظر: «إنشالله ما قعدتوا.. هتموتوا وأنا هعيش»

الأحد - ٢٩ مارس ٢٠٢٠

وجهت الفنانة فيفي عبده رسالة غاضبة لبعض منتقديها بعدما طالبتهم بالالتزام بالحظر المنزلي وعدم الخروج، في سعي الدولة للسيطرة والحد من تفشي فيروس كورونا المستجد.

وأطلت فيفي في بث مباشر مع متابعيها تجدد دعوتهم إلى الجلوس في المنزل للحد من تفشي الوباء المنتشر ولكن دعوتها قوبلت بانتقادات.

وردا على ذلك، لم تتمالك فيفي عبده أعصابها وقالت لمتابعيها: “إيه! كفرت إني قولتلكوا اقعدوا في البيت متقعدوش.. إنشالله ما قعدتوا، إنتو اللي هتموتوا أنا هفضل عايشة”.

كما وجهت فيفي عبده رسالة إلى الصيدليات طالبتهم بعدم استغلال الأزمة وزيادة أسعار المواد المطهرة والكمامات.

وقالت في فيديو نشرته عبر إنستجرام: “مساء الخير يا جماعة أنا عايزة أقولكم إنى ملتزمة في البيت، علشان خايفة على نفسي، الموضوع جد جدا بدليل إن المطارات كلها مقفولة، بدليل إن فيه حوادث كتير بتحصل للناس بسبب فيروس الكورونا ولا مش المكرونة، في كل أنحاء العالم، يا رب الطف بينا”.

وتابعت: “يا جماعة أقعدوا ادعوا كدا إن ربنا يلطف بينا يا جماعة، بلاش تنزلوا يا جماعة إلا للضرورة القصوى، وأهو هيعملوا حظر تجول، البلد كلها فاضية، حرام عليكوا اقعدوا في البيت، اقعدوا في البيت وأنا هتراسل معاكم من البيوت، كلنا نتراسل مع بعض من البيوت، علشان خاطري بقي ولا كورة ولا مش كورة”.

ووجه العديد من الفنانين الدعوة لجمهورهم بالالتزام بالبقاء في المنازل، بل قام عدد منهم بإحياء عدة حفلات مباشرة على الإنترنت مثل تامر عاشور والموسيقاء الكبير عمر خيرت.


الكلمات المتعلقة‎


مواضيع ممكن تعجبك