تستمع الآن

فريدة سيف النصر عن مرضها: «دكتور قال لي السبب حشرة صغيرة.. وأخدت أدوية متناقضة»

الثلاثاء - ٠٣ مارس ٢٠٢٠

كشفت الفنانة فريدة سيف النصر، تفاصيل حالتها الصحية بعد نشر صورة لها بوجه متورّم بشكل غريب قبل يومين.

وحكت «فريدة» تفاصيل حالتها الصحية في مداخلة هاتفية مع الإعلامية لميس الحديدي في برنامج «القاهرة الآن»، حيث قالت: «طلع فيه خراريج تحت سنان سليمة، وأنا دايمًا يحصل لي حاجات بس ما بتكلمش عليها لكن دي في وشي أكل عيشي».

وتابعت: «اللي بوظني أكتر حساسية الأدوية المتناقضة مع بعضها وورمني أكتر، ودكتور جلدية قال لي في حشرة صغيرة بتعمل الورم ده زي دار الفيل وما بيروحش، وده خلى نفسيتي في الأرض»، موضحة: «طلع الموضوع مش كده وإني أوقف كل الأدوية دي وأخد دوا ضد الحساسية».

وطمأنت الفنانة فريدة سيف النصر متابعيها، قائلة: «الحمد لله أنا أحسن كتير والورم راح»، نافية ما أُشيع عن إصابتها بالسرطان مضيفة «هم عاوزين يموتونا ليه مش كفاية عادل إمام والمشير طنطاوي!».

فريدة سيف النصر : معنديش سرطان بلاش فتي..وكفاية عادل إمام مات على أيديكم

فريدة سيف النصر : معنديش سرطان بلاش فتي..وكفاية عادل إمام مات على أيديكم#القاهرة_الآن

Posted by ‎القاهرة الآن مع لميس الحديدي‎ on Monday, March 2, 2020

وظهرت الفنانة فريدة سيف النصر، قبل يومين بوجه متورم على «فيسبوك» طالبة من متابعيها الدعوة لها بالشفاء.

وقالت فريدة سيف النصر إنها فوجئت عند استيقاظها من النوم بتورّم غريب في وجهها، موضحة: «ده مش ماكياج ده وشي بدون سابق انذار صحيت باصوت نص الليل ودي رابع مره يحصل لي حاجه غريبه في وشي واكون باشتغل يعني مش وقته استغفر الله احسن من غيرنا سامحني والنبي اللهم لااعتراض..عامله زي الكوره الكفر عينيه مقفوله وبوءي مدلدل حتي حواجبي وارمه هههههههه يخرب بيت كده»، مرفقة صورة لنصف وجهها.

وتابعت: «عملنا بانوراما كامله والدكتور مستني الالتهاب يروح والورم بحقن الفنتيرن قويه واوجمنتين وبعدين يقرر في ايه؟هههههههه هو نفسه بيسأل في إيه؟ هو انا اللي هاعرف يادكتوووووور..وطبعا الفليكتور منيمني علي روحي لأن الالم الحمدلله مايتحملوش الا حد مستسلم لارادة ربنا ويشكره».


الكلمات المتعلقة‎


مواضيع ممكن تعجبك