عاود الفنان وائل عبدالعزيز، الهجوم على الفنان أحمد العوضي بعد إعلانه الارتباط بالفنانة ياسمين عبدالعزيز خلال الأسابيع الماضية، مشيرًا إلى أن شقيقته تركت العوضي يهاجم أسرتها دون تدخل منها.
وقال وائل عبدالعزيز في تدوينة عبر صفحته على موقع «فيسبوك» – حذفها لاحقًا – إنه لن يترك حقه وحق أسرته، مشددا على أنه سيلجأ للقانون في أي شخص يتجاوز باتجاه عائلته.
وأوضح وائل عبدالعزيز في رسالته لأحمد العوضي: «بص يابني، أنا لما فاض بيا آخر مرة بعتلك رديت عليك وشتمت فيا وفي عيلتي، الغلط مش عليك الغلط على اللي سابتك تغلط في أهلها كلهم، واللي يسمح لحد يغلط في أهله يسمح بأي حاجة تاني تحصلهم».
وأضاف: «اللي أنا عايز أعرفه انتوا ازاي عايشين مع بعض في البيت والشغل بدون صفة، ولو في صفة مدش صرح بيها ليه، أنا برده اللي بعمل فضايح وهي دي الأصول!! متعلنوا جوازكم».
وأكمل: «قسما بالله وربي وما أعبد أنا مش هسيب حقي وسمعتي وسمعة أهلي إلا لما الأمور تتحط في نصابها الصحيح.. واللي هيغلط فيا زي الناس اللي فاتت من الزملاء المطبلتية أنا هاخد حقي بالقانون».
وتابع شقيق ياسمين عبد العزيز: «أخيرا للناس المحترمة لو ليك اخت حط نفسك مكاني!!!!!!!؟.. وكل واحد هيعرف مين كان صح ومين غلط».
كانت حرب تصريحات عنيفة قد اندلعت بين الفنان وائل عبدالعزيز شقيق الفنانة ياسمين عبدالعزيز وبين الفنان أحمد العوضي، في أعقاب رفض الأول علاقة الحب بين شقيقته والفنان الشاب.
ورد أحمد العوضي على تدوينة شقيق ياسمين عبدالعزيز التي أثار بها الجدل من قبل، عبر صفحته على «فيسبوك»، قبل أن يحذفها، قائلا: «أنهي بيت اللي أدخله من بابه، إن كانت هي اللي بتصرف عليك وعلى ابنك وراميه وهي بتدفعله مصاريف مدرسته».
وقال: «باب إيه يابني ادخله هو أنا شفت راجل واقف جنبها؟، دي واحدة أنت مبتعملش حاجة غير أنك بتستنزفها هي ومامتها، باب إيه يابني اللي هدخله من بابه وأكلم واحد بيتكلم على عرضه ولحمه قدام الناس».
وعقب تدوينة العوضي، عاد شقيق ياسمين عبد العزيز للرد عليه، عبر «فيسبوك»، قائلا: «ردّك متوقع جدا لان هو ده أسلوبك، بالنسبه أن حد بيصرف علّيا عمرها ما اديتني جنيه في جيبي وأحب افكرك إني قاعد في بيت إيجار وراكب عربية كنت جايبها قسط من شقايا».
وتابع: «ياريت تعرف تبقي فاشل زيي لكنك مش هتعرف للاسف، ومش انت اللي تحدد فشلي ونجاحي في أي شيء لأنك طالع على رقبة الناس».
مواضيع ممكن تعجبك
