تستمع الآن

داليا البحيري عن مشهدها الشهير مع عادل إمام: «قالي أنا هشيل كل ده؟.. هتخسي 5 كيلو»

الأحد - ٠١ مارس ٢٠٢٠

استعادت الفنانة داليا البحيري، موقفا كوميديا جمعها بالزعيم عادل إمام، خلال تصوير فيلم “السفارة فى العمارة”، الذى أُنتج عام 2005.

وقالت داليا، فى تصريحات تليفزيونية، إن فيلمها مع الزعيم كان تجربة مختلفة فى حياتها الفنية.

وأضافت أن عادل إمام عندما نظر إليها، تفاجأ من وزنها، وطلب منها أن تنقص من وزنها 5 كيلوجرامات، وهو ما فعلته بعد عمل ريجيم مكثف.

وتابعت: “أول ما شافنى قالى إيه ده هو أنا هشيل كل ده! أنت هتخسى 5 كيلو.. كان بيحاول يقلل الحمل اللى هيشيله، بالفعل عملت رجيم قاسى، وتم إنقاص وزني 5 كيلو بالرغم من أنى كنت رفيعه أصلا، وانبهر الزعيم باني قدرت أخس في فترة قصيرة”.

وأوضحت: “الفيلم ده كان أحب وأصعب الأعمال اللى قدمتها، لأنك تقف تمثل أمام عادل إمام، فكنت بذاكر الدور كويس جدًا، ومينفعش تمثل أمامه من غير ما تضحك”.

وأشارت إلى أنه تانى يوم بعد المشهد وصل الزعيم لمكان التصوير في مدينة الإنتاج الإعلامى وسأل عليا، فقالوا له: قاعده مع المخرج، وأنا متابعة من بعيد وأول ما وصل عندى عمل أن ظهره واجعه؛ لأنه شالنى وكان بيهزر وقلتله: أنا شايفاك يا أستاذ من ساعة ما وصلت.

وشددت: “التمثيل مهنة لا إنسانية؛ لأن ممكن ظروف التصوير تخليك تلبس خفيف في عز الشتاء، وتلبس تقيل في عز الصيف، أو تكون متضايق في البيت ومطالب أنك تعمل مشهد كوميدى أو العكس”.


الكلمات المتعلقة‎


مواضيع ممكن تعجبك