تستمع الآن

بعد شائعات انتشار كورونا في «جروبات الماميز».. وزير التعليم: هم نفس الستات اللي عملوا قصة الالتهاب السحائي

الثلاثاء - ٠٣ مارس ٢٠٢٠

أعرب الدكتور طارق شوقي، وزير التربية والتعليم والتعليم الفني، عن انزعاجه من انتشار الشائعات بشأن “فيروس كورونا” في المدارس بالإسكندرية عبر تطبيق “واتساب” أو ما يطلق عليه “جروبات الماميز”.

وقال الدكتور طارق شوقي خلال مداخلة هاتفية لبرنامج “القاهرة الآن”: “مفيش أي مشكلة لدينا والدراسة مستمرة بشكل طبيعي وقلنا مرارا وتكرارا الدولة بها وزارة صحة محترمة ونعمل سويا وكل ما يقال شائعات نتحقق منها حتى وعارفين إنها إشاعة وليس لدينا أي أزمة تدعو لأي قلق”.

وأضاف: “فيه فويس نوت وستات بتصوت وتقول ولادنا ماتت، وهي نفس الستات اللي عملوا نفس القصة من فترة عن مرض الالتهاب السحائي، لو حد راجع الفيديوهات سيجدهم هم نفس الستات ونحن نرسل للأمن الوطني ويحللوا الأصوات، وهي قضايا لإلهائنا عن ما يتم في تطوير التعليم، وكل يوم عارفين إن فيه شائعة جديدة لازم تلهينا، من يصدر الرعب والإشاعة هو محترف هذا، موضوع استقاء الأخبار من هذه الجروبات يعمل لها مصداقية لا تستحقه وهي غير مسئولة أو يحاسبها أحد، وأي حاجة تستحق سنقولها في بيان رسمي فلا داعي للقلق على الإطلاق ومصلحتنا حماية أولادنا في المدارس”.

وتابع: “إذا كانوا خايفين من انتشار مرض في المدارس ليه مش خايفين ينتشر في سناتر الدروس الخصوصية اللي فيها تجمعات أكبر أو المترو، وما أعنيه إن فيه تجمعات كثيرة في أماكن أكبر في كل مكان، استهداف المدارس والتعليم هو الخطة، وكأن الكورونا لن تأتي لأولادنا إلا في المدرسة، لو الأجهزة السيادية في الدولة أصدرت أمرا أن هذا المكان في التجمع نريد تفاديه سنعمل هذا ولكن الناس لا تستبق الأحداث، ولكن اختزال السؤال في المدرسة أمر غير برئ”.

كما شدد شوقي خلال مداخلة هاتفية مع الإعلامي عمرو أديب في برنامج “الحكاية” عن نفس الأمر: “لا يلدغ المؤمن من جحر مرتين فما بالك لما يلدغ 20 مرة وأنا قولت قبل كده الرسائل الصوتية اللي بتتوزع على جروبات واتساب وفيها ستات طالعة بتعيط وبتقول ولادنا وفي مدرسة في إسكندرية وكورونا ومتودوش ولادكم المدرسة ونفاجأ بأن وسائل الإعلام بتسأل هل ده صح”.

وتابع: “محدش سأل نفسه مين الستات دول ومقالوش اسمهم يعني”، مشيرًا إلى أنه تم مراجعة ومتابعة جميع المدارس في الإسكندرية ولم يجدوا فيها شيئا: “بصينا في كل مدارس الإسكندرية ومفيش حاجة خالص ولما حللنا صوت السيدات طلعوا نفس الستات بتوع انتشار الالتهاب السحائي في المدارس، يعني اللي بيعمل ضدك مفكرش إنه يغير الستات وجاب نفس ستات الالتهاب السحائي عشان الكورونا”.


الكلمات المتعلقة‎


مواضيع ممكن تعجبك