تستمع الآن

بعد اعترافها بحبه.. القصة الكاملة لحرب تصريحات أحمد العوضي وشقيق ياسمين عبدالعزيز

الأربعاء - ٠٤ مارس ٢٠٢٠

اندلعت حرب تصريحات عنيفة بين الفنان وائل عبدالعزيز شقيق الفنانة ياسمين عبدالعزيز وبين الفنان أحمد العوضي، في أعقاب رفض الأول علاقة الحب بين شقيقته والفنان الشاب.

بدأت القصة عندما كتب وائل عبدالعزيز، تدوينة هاجم فيها شقيقته ياسمين عبدالعزيز وأحمد العوضي، حيث أشار فيها إلى أنه غير راض عن هذه العلاقة وخاصة التعليقات الرومانسية بين الاثنين على السوشيال ميديا.

وقال وائل: «بصي يا ياسمين يا عبدالعزيز يا أختي.. بقى كل همي أنا ووالدتك أنك تكبري وتبقي نجمة في مجالك، وكنت الوحيد اللي ساندتك ووقفت جنبك في طلاقك، لكن هنهرتل وتروحي تعرفي واحد أصغر منك بـ10 سنين لا من سنك وتتصوري صور ملهاش أي لازمة على حساب سمعتك وسمعتنا لا ومحدش هيسمح».

وأكمل: «أنتي مقاطعة كل العيلة عشان تعملي اللي على مزاجك، إحنا دلوقتي عايزين نفهم العلاقة دي إيه ورايحة على فين، أمام بالنسبة للأخ اللي ماشي وراكي في كل حتة وشايفك البيضة الدهب اللي هتفقسله كل يوم أحب أقولك يا راجل لما تيجي تدخل بيت تدخله من بابه».

وأضاف: «طبعا لانك عارف أنك مرفوض رفضا باتا فعمرك ما هتعمل كده ومعندكش غير طريق الشمال، أنا من رأيي كفاية عليك البطولة اللي أخدتها والعربية المرسيدس الهدية، وتركز في شغلك وتسيبنا في حالنا».

العوضي: بيت إيه اللي أدخله؟

ورد أحمد العوضي على تدوينة شقيق ياسمين عبدالعزيز، عبر صفحته على “فيسبوك”، قبل أن يحذفها، قائلا: «أنهي بيت اللي أدخله من بابه، إن كانت هي اللي بتصرف عليك وعلى ابنك وراميه وهي بتدفعله مصاريف مدرسته».

وقال: «باب إيه يابني ادخله هو أنا شفت راجل واقف جنبها؟، دي واحدة أنت مبتعملش حاجة غير أنك بتستنزفها هي ومامتها، باب إيه يابني اللي هدخله من بابه وأكلم واحد بيتكلم على عرضه ولحمه قدام الناس».

وأضاف: «باب إيه يا حبيبي اللي أدخله وأنت أصلا عايش باسمها، أنا شقيت على حالي بعرقي، لكن أنت فشلت في كل شيء، فشلت كممثل وفشلت كأب وفشلت كأخ وفشلت كبني آدم».

شقيق ياسمين يرد

وعقب تدوينة العوضي، عاد شقيق ياسمين عبد العزيز للرد عليه، عبر «فيسبوك»، قائلا: «ردّك متوقع جدا لان هو ده أسلوبك، بالنسبه أن حد بيصرف علّيا عمرها ما اديتني جنيه في جيبي وأحب افكرك إني قاعد في بيت إيجار وراكب عربية كنت جايبها قسط من شقايا».

وتابع: «ياريت تعرف تبقي فاشل زيي لكنك مش هتعرف للاسف، ومش انت اللي تحدد فشلي ونجاحي في أي شيء لأنك طالع على رقبة الناس».

وأضاف: «كلمه اني طالع على حسها كل الناس عارفه اني شقيت طريقي لوحدي من 15 سنة، انت مفكرتش تاخد خطوة محترمة تجاهها إلا أنك جريت على الترند وهتشتغل شغل قذر لأن ده الي يهمك “ترند.. دور بطولة.. فلوس.. عربيات».

وأكمل وائل عبد العزيز: «ياسمين سألتني بعد الطلاق أنها ممكن تحب وتتجوز وأنا قولتلها طبعًا ومن حقك بس مش أنت، لأني اعرفك من سنين وعارف نواياك والأيام هتثبت صحه كلامي».

وعقب تلك التصريحات المتداولة، نشرت ياسمين عبدالعزيز صورة مع أحمد العوضي عبر صفحتها على «انستجرام»، وعلقت قائلة: «بحبك يا أحمد».

ورد العوضي على صورة ياسمين، بنشر نفس الصورة لهما، قائلا: «بحبك يا ياسمين».

رسائل تضامن

وعلق الفنان محمد محمود عبدالعزيز نجل الفنان الراحل محمود عبدالعزيز، على تصريحات وائل، قائلا: «اللي حصل ملوش علاقة بالرجولة ولا التربية ولا الأخوة، وده خرج برة نطاق المنطق تمامًا».

وأضاف: «أنا مش من حقي أعاتب حد لكن اللي ملوش كبير يشتريله كبير، ولو أنا واخويا اتخانقنا هروحله ونحل مشاكلنا مع بعض، وإيه كمية الحاجات دي وأنا مش فاهم الأخ اللي كتب كده مبيفكرش؟ ياسمين جدعة مع أصحابها».

 

View this post on Instagram

 

ياسمين ب١٠٠٠ راجل (اسألكم الفاتحه و الدعاء لابويا و لكل من رحلوا عنا)

A post shared by محمد محمود عبدالعزيز (@mohamedmahmoudabdelaziz_) on

كما علقت الفنانة ريم البارودي على تصريحات شقيق ياسمين عبدالعزيز، قائلة: «عبث وهبل لا دين ولا رجولة للأسف»، فيما قالت الفنانة إيمان العاصي: «صدمة بجد».

وقالت الفنانة نشوى مصطفى: «الجميلة السكراية العسولة المتألقة ربنا يسعد قلبك».


الكلمات المتعلقة‎


مواضيع ممكن تعجبك