تستمع الآن

«اقعد في البيت ومتجبش الوباء».. فنانون يحذرون المصريين من خطورة الاستهتار بالعزل

الأحد - ٢٢ مارس ٢٠٢٠

وجه عدد من الفنانين عدة رسائل إلى المصريين بشأن فيروس كورونا المستجد «كوفيد-19»، وذلك بعد مطالبات من الحكومة للمواطنين بالعزل المنزلي وعدم الخروج إلا للضرورة القصوى.

وقرر عدد من الفنانين، توجيه نصائح إلى المصريين بضرورة المكوث في المنزل لفترة حتى يمر الفيروس الذي أصبح وباء طبقا لمنظمة الصحة العالمية، بسلام على مصر، خاصة بعد تسجيل 294 إصابة حتى الآن.

من جانبها، دعت الفنانة إسعاد يونس، المصريين إلى عدم الخروج من المنازل والالتزام بتوجيهات الدولة بالمكوث في المنزل.

وقالت: «يعني بعد كل التحذيرات اللي في العالم كله، وتوجيهات الدولة لينا بإننا نقعد ف البيت انت نازل برده؟ نازل ليه؟ تقعد مع أصحابك على القهوة تاخد نفسين شيشة وتقول نكتة، طب استسمحك وانت نازل بص وراك وشوف اهل بيتك، وقولهم أنا نازل أجبلكم الوباء، حاكم الدنيا كلها فيها الوباء».

وتابعت إسعاد يونس: «لو ابوك مش غالي عليك فهو غالي علينا ولو والدتك مش غالية عليك فهي غالية علينا، وانت نفسك غالي علينا، كلنا عايزيني نحمي بعض، بدل ما تنزل تسعى على أكل عيشك، نازل تجيب الوباء وتنشره بين أهل بيتك والجيران والحي والبلد كلها تغرق، استسمحك فكر تاني، أنت غالي علينا وأنت وضميرك».

رامي صبري

كما قرر الفنان رامي صبري، توجيه رسالة إلى متابعيه عبر «انستجرام»، من خلال أغنيته «حياتي مش تمام»، حيث طالب جمهوره بالالتزام بالعزل الاجتماعي لمواجهة انتشار فيروس كورونا.

ونشر رامي صبري فيديو عبر حسابه الرسمي، واستعان فيها بأغنيته، قائلا: «أنا خاصمت الشوارع اللي مشينا فيها عشان ارتاح من الآلام.. ماتنزلوش بقى كفاية».

 

View this post on Instagram

 

#خليك_في_البيت #رامي_صبري #RamySabry #stayathome

A post shared by Ramy Sabry (@ramysabry8) on

رامي جمال

كما نشر الفنان رامي جمال فيديو، عبر صفحته على «تويتر»، يدعو فيه المصريين إلى المكوث في المنزل وعدم الخروج إلا للضرورة القصوى، بسبب منع انتشار فيروس كورونا.

وقال رامي جمال: «اللمة حاجة حلوة وفرقت معانا كتير في مواقف صعبة المرة دي غير، دلوقتي في وباء عالمي حله التباعد الاجتماعي ومش هنعدي منه غير الالتزام بالبيت ولازم كلنا نقعد في البيت، والنزل

النزول يبقى لأصعب الضرورات».

وأكمل: «أنت نفسك كشاب محدش ضامن خالص انه يكسب المعركة دي، اتمنى يارب نبقى الفرقة الكسبانة وعدم التعامل بكل استهتار وأضر نفسي وأكون سبب في اللي حولي يبقى عليه ضرر كبير، هي مرحلة سخيفة، وإحنا شعب اتعود على اللمة لكن المرة دي لازم كل واحد يقعد في البيت، والدولة تبذل مجهود كبير للسيطرة على الأمر ده».

وأضاف: «لازم نبهر العالم بوعينا وشايف ان 95% وعيهم عالي النسبة لافاضللة اللي شايفة ان مناعة المصريين ميحصلهاش حاجة خلي بالك المرة دي غير».

غادة عبدالرازق

فيما نشرت الفنانة غادة عبدالرازق صورة لأحفادها مع العاملين بالمنزل وهم يرتدون كمامات طبية، وعلقت عليها: «ياريت الناس كلها وهمة فى البيت يعملو كدة زينا علشان كل واحد يحمى نفسة وولاده والعاملين معاه داخل المنزل من فضلكم.. خليك بالبيت، وخد احتياطاتك، وحافظ على نظافتك ونظافة البيت بالمطهرات وربنا يحفظ الجميع باْذن الله».

أحمد فهمي

كما طالب الفنان أحمد فهمي وزوجته الفنانة هنا الزاهد، من جمهورهم بالبقاء في المنزل خلال الأسبوعين المقبلين، بطريقة خاصة عبر «انستجرام».

ووضع أحمد فهمي صورته هنا الزاهد مع كلبته المفضلة «زيزي»، وظهرا وهما يرتديان كمامة طبية، كما جعل الكلبة ترتديها أيضا.

 

View this post on Instagram

 

اقعدوا فى البيت

A post shared by Ahmad Fahmy (@ahmadfahmy_official) on


الكلمات المتعلقة‎


مواضيع ممكن تعجبك