كشف الفنان أحمد فلوكس عن كواليس الصورة التي نشرها عبر صفحته على «انستجرام»، وأثارت حفيظة عدد كبير من المتابعين له، حيث توقعوا أنه تزوج بعد فترة من انفصاله عن الفنانة هنا شيحة.
وأشار أحمد فلوكس إلى أن البعض اعتقد أنه تزوج ويقضي شهر العسل إلا أن الحقيقة أن هي طلب الدعاء من أجل إتمام الزواج، موضحا: «ادعولي اتجوز الإنسانه اللي قابلتها والحقيقه هي كانت معايا في نفس المدرسة وعشرة سنين ومش زي ما قالوا خبيرة تجميل هي الحقيقة سيدة أعمال في مجال السياحه وبنت ناس محترمين جدا ومن عيلة».
وتابع فلوكس: «لأن وزنها يتاقل دهب والحقيقة علشان اقدر اروح اطلب اديها وأنول شرف جوازها محتاج ترتيبات كتير وأحوش كتير علشان مهرها اكيد مش مهر عادي ولا شبكتها هاتكون شبكه عادية، وبما إني مش صغير وعندي ابن فاكيد هي كمان مش صغيرة وأكيد عندها ولاد من أجمل الأولاد اللي شوفتهم في حياتي».
وأكمل أحمد فلوكس: «أكيد الجواز محتاج وقت وتحضير وعلشان أروح لأهلها ده لوحده موضوع كبير.. فعلشان كده لسه ماخدتش خطوة صريحة، إدعولي علشان ساعات بيكون رزق ربنا لعبده هو واحدة زي دي تشاركه حياته، للي مهتمين بجوازي ادعولي ربنا يوفقني.. ده ردي على موضوع الجواز».
كانت الفنانة هنا شيحة، قد أعلنت انفصالها رسميًا عن زوجها الفنان أحمد فلوكس في يوليو 2019، وذلك بعد أقل من عام على الزواج، حيث استمرت العلاقة الطيبة بين الثنائي بعد الانفصال، حيث هاجم فلوكس، إحدى المتابعات عبر صفحته الرسمية على موقع «انستجرام»، بعدما انتقدت زوجته السابقة الفنانة هنا شيحة.
بدأت القضية عندما نشر أحمد فلوكس صورة عبر حسابه على «انستجرام»، قال فيها: «كي يحترمك الحاضرون احترم الغائبون.. ثقافة لا يعرفها المنافقون».
وعلقت إحدى المتابعات على صورة فلوكس، قائلة: «قتلتونا بالألغاز.. شيحة أصلا ما وحدة بتاعة زواج، وأنت غلطت لما تزوجتها، والعيش بالأطلال ماراح ينفع!، وأنت ذكي وأحلى منها هي أصلا ما عندها ذرة جمال وأنوثة».
ورد أحمد فلوكس بقسوة على تعليق المتابعة، قائلا: «إيه اللي أنتي كاتباه ده؟، أولا أنت مالك؟، ثانيا ألغاز إيه؟ انت قاعدة فاضية وبتشتغلي نفسك ولا إيه بالظبط، ثالثا أنت إزاي تقول على هنا الكلام ده».
مواضيع ممكن تعجبك
