تستمع الآن

«مش كل انفصال وحش».. الموزع أحمد إبراهيم يعلق على طلاق أصالة وطارق العريان

الإثنين - ١٠ فبراير ٢٠٢٠

علق الموزع الموسيقي أحمد إبراهيم وزوج الفنانة أنغام، عن علاقته بالفنانة السورية أصالة، وآخر تعاون فني جمعهما، وانفصالها عن المخرج طارق العريان.

قال إبراهيم لبرنامج ET بالعربي: “اشتغلت آخر أغنية جمعتني بأصالة (جابوا سيرته) قبل تصريحاتها، مكنتش حابب إن ده يحصل بينا بس في النهاية أنا موزع عندي خبرات، كملت تنفيذ الأغنية بعد التصريحات، والأغنية نجحت جدا الحمد لله”، مؤكدا عدم وجود تواصل بينهما في الفترة الأخيرة لانشغاله.

وتابع تعليقًا على تصريحاتها بشأن زواجه من الفنانة أنغام: “لا يصح إني أتدخل في حياة حد من باب القرب، بما إننا قريبين من بعض نتكلم مع بعض بينا وبين بعض مش على الملأ”، مضيفًا: “مش شايف إن فيه خصومة أصلا حتى إذا كان فيه خصومة مينفعش تكون تحت مبدأ إذا خاصم فجر، وأنا كنت براعي جدا وأنا بتكلم مغلطش في حد وبحترم الناس كلها وأولادي”.

https://twitter.com/ETbilArabi/status/1226612601876099074?s=20

وفي أول تعليق له على خبر انفصال أصالة والمخرج طارق العريان، أكد: “مش عارف موضوع الانفصال حقيقي ولا لأ معنديش معلومة مؤكدة عن ده، ولم أتابع الموضع بشكل كبير ومعرفش بكرة فيه إيه، محدش عارف بكرة مين هيبقى مع مين، ومين هيسيب مين، ومين هيرجع تاني يبقى مع مين، ودائما بحاسب على كلامي عشان الدنيا صغيرة، هيجي وقت وهنبقى مع بعض في صورة واحدة، هيبقى شكلنا وحش أوي لو قلنا كلام في حق بعض، وفيه صورة واحدة جمعتنا، ومش كل انفصال وحش، على فكرة أحيانا بيكون بداية لفرصة جديدة بين نفس الطرفين”.

إبراهيم تحدث عن محاولة الفنانة سميرة سعيد للصلح بينه هو وأنغام من طرف وبين أصالة في الطرف الثاني، وأوضح: “بحسن نية سميرة سعيد بتحاول تقرب وجهات النظر، وهي قلبها كبير وإحنا معندناش مشكلة مع حد، في مصر بنراعي العيش والملح جدا، باحترم العيش والملح اللي مع أي حد حتى لو كان فيه تصريحات مستفزة لحد النهارده، وفيه أسرار كتير مش بقولها على فكرة يمكن لو قلتها هتبقى محرجة لناس كتير”.

يذكر أنه عقب زواج أنغام من أحمد إبراهيم، خرجت أصالة بتصريحات أبدت خلالها استياءها من الخبر، خاصة أن إبراهيم كان زوجًا لابنة شقيقة طارق العريان، زوج أصالة السابق، وبينهما أولاد.


الكلمات المتعلقة‎


مواضيع ممكن تعجبك