تستمع الآن

هل تسبب خلاف بسمة بوسيل ومي عز الدين في استبعادها من فيلم تامر حسني الجديد؟

الإثنين - ٠٦ يناير ٢٠٢٠

علقت الفنانة المغربية بسمة بوسيل، زوجة المطرب تامر حسني، على ما تردد عن تدخلها في استبعاد الفنانة مي عز الدين من بطولة فيلم تامر الجديد “مش أنا”.

وقالت بسمة في لقاء مع برنامج “insider” بالعربي: “الشخصيات اللي تامر بيختارها في الأفلام بتاعته أنا ماليش دعوة بيها.. أنا وتامر بنحترم بعض في الشغل.. ولو مي لايق عليها دور هتعمله.. وليه هكون عايزة حد تاني يعمل الدور.. دا شغل جوزي مش هقدر أبوظه.. الناس مش فاهمين”.

وتابعت: “أنا بحب مي.. والفيلم اللي كان بيعمله تامر ومي مش اللي بيتم العمل عليه حاليا.. هما أجلوا الفكرة اللي كانوا عايزين يعملوها بس.. ودخل تامر في فيلم تاني مع حد تاني ولسه في أفلام جاية وهيعملوا حاجات مع بعض”.

وأوضحت: “الناس على السوشيال ميديا بتتكلم ومتعرفش إيه اللي في الحقيقة.. و أنا أكثر واحدة بيتقال عليها كلام كذب”.

من جهة أخرى، كشفت بسمة بوسيل عن أنها تعتزم إصدار المزيد من الأغنيات على موقع يوتيوب، وهو ما لا يتعارض مع رغبة زوجها، تامر حسني، في ألا تحترف الغناء، وهي الآن في مرحلة الاختيار بين مجموعة من الأغاني، ومنها أغنية مغربية وأخرى مصرية.

ويشار إلى أن بسمة بوسيل تتولى مهمة تنسيق إطلالات تامر حسني، سواء في الحفلات أو البرامج أو أعماله الأخرى، وهناك احتمال أن تقوم بإخراج فيديو كليب لإحدى أغنياته، وفقا لما صرح به تامر حسني في وقت سابق.

يُذكر أن أحدث أفلام تامر حسني هو فيلم “الفلوس” ما زال يعرض حاليًا في دور العرض، من بطولة تامر حسني، زينة، خالد الصاوي ومن إخراج سعيد الماروق.


الكلمات المتعلقة‎


مواضيع ممكن تعجبك