تستمع الآن

ميس حمدان تنهي عام 2019 بتقمص شخصية «الجوكر» وتوجه رسالة إلى الجمهور

الخميس - ٢٦ ديسمبر ٢٠١٩

تقمصت الفنانة ميس حمدان شخصية “الجوكر” الشهيرة والتي قُدم لها هذا العام فيلم جديد وجسدها واكين فينيكس.

ونشرت ميس فيديو لها عبر حسابها الشخصي على “إنستجرام” ظهرت فيه ترتدي بدلة الجوكر الشهيرة الحمراء، ووضعت المكياج الخاص بالشخصية.

وعلقت ميس على الفيديو قائلة: “معظمنا شاف فيلم الجوكر وفي الي حبه وفي اللي كرهه”.

وأضافت: “بس اللي محدش اختلف عليه إن الفيلم لمسنا، وعبر عن مشاعرنا في فترة من فترات حياتنا ممكن نسميها فترة البؤس والظلم وعدم التقدير، وإن الحياة جاية عليك، وإن الواسطة مهمة عشان توصل، وإن ليه ربنا بيعمل معايا أنا كده بالذات دون الناس وإيه الدرس المستفاد، والحيرة في اتخاذ القرارات في طب وبعدين والحياه رايحة بيه لفين، وإيه الصح وإيه الغلط وبالنسبة ليه”.

وتابعت: “السؤال كان أسيب الفن وأشتغل حاجه تانية عشان مش حاسه أنى بحقق الحلم الوردي اللي كنت بحلم بيه، وهكذا الفرق بينا وبين بطل الفيلم إنه كان عنده مرض مزمن مانعه إنه يعبر ويفكر ويطور ويحاسب ويحاول ويخطط ويقيم نفسه لكن إحنا معظمنا عندنا العقل اللي يخلينا نعرف إن الحياة صعبة ومش وردي، ولازم تفشل كتير عشان في الآخر تنجح لو حتمشي المشوار لوحدك من غير دعم”.

https://www.instagram.com/p/B6iBdGagk1D/?utm_source=ig_embed

واختتمت: “في نهاية السنة الجديدة أحب أقول إن أنا جوكر نفسي، وهكون جوكر كسبان حتى لو بعد حين حتى لو كل الظروف مشيت عكس التيار وحاولت تدمر طموحي وأحلامي اللي لسه محققتش منها كتير وحعمل اللي عليه بالطريقه اللي ترضيني سواء في الفن أو بره لأني عارفة ياما ناس موهوبة ربنا سهل لهم في حاجه تانية بعيد عن الفن، أنا همشي بالتوازي واللي ربنا يكرم فيه أنا راضية، أنا الجوكر”.

يذكر أن آخر أعمال ميس حمدان كان مشاركتها في مسلسل “شيء من الماضي” كما قدمت في 2018 أول أعمالها الأردنية من خلال مسلسل “نوف”.


الكلمات المتعلقة‎


مواضيع ممكن تعجبك