تستمع الآن

عفاف شعيب لـ حلا شيحة: «أنتي دقتي طعم الطاعة.. فالتزمي حتى لو خلعتي الحجاب»

الأحد - ٠١ ديسمبر ٢٠١٩

علقت الفنانة عفاف شعيب على قضية خلع عدد من الفنانات للحجاب بعد ارتدائهن له، في حلقة الجمعة مع راغدة شلهوب في «تحيا الستات» على قناة «النهار».

وقالت عفاف شعيب عن خلع الفنانتين سهير رمزي وشهيرة للحجاب: «زعلت واتضايقت لأنهم بقالهم 27 سنة لابسين الحجاب فليه يقلعوه، والناس كانت حباهم بالحجاب، فإيه اللي طلعها في دماغهم.. أكيد حد وسوس لهم، لكن هما أحرار، ولو كانوا خلعوا من قبل كده كان ماشي لكن مش في السن ده».

وعن خلع الفنانة الشابة حلا شيحا للحجاب مؤخرًا، علقت «شعيب»: «مش مقبول.. طب لبستيه ليه؟ اللي بتلبس الحجاب بتلبسه ليه، مقتنعة بيه ولا لأ، ولا هو منظر أو إرضاء لعريس جديد جاي لك وقال لك اتحجبي؟! وأنا مش بقول على حلا لكن على أي حد، يا تلبسيه وأنتي مقتنعة إنه فرض من ربنا يا ما تلبسيهوش»، موجهة لها رسالة: «ربنا يردها ردًا جميلًا.. أنتي دقتي طعم الطاعة ويعني إيه التزام، فالتزمي بحدود معينة حتى لو خلعتي الحجاب».

ونفت الفنانة عفاف شعيب ما أثير عن تلقي الفنانات المحجبات لأموال لارتداء الحجاب، قائلة: « اللي أداني مليم يواجهني، لا أنا ولا غيري أخدنا فلوس، هما ممكن يدوا لواحدة علشان تقلع مش علشان تلبس، والواحد وصل لسن معين صعب يعمل ده، ولو جيتي أدتيني مليار دولار مش هقلع».

وتابعت: «فيه كتير جدًا مش محجبات لكن قمة الأدب والأخلاق والصلاة والصيام»، نافية ادعاءات بعض الفنانات أنها دعتهم لارتداء الحجاب مؤكدة أن كل شخص حر.


الكلمات المتعلقة‎


مواضيع ممكن تعجبك