تستمع الآن

زوجة أحمد الفيشاوي لمنتقديها: «اللي بتكتبوه بيخلي الناس تكرهنا.. وما بحبش الحياة دي»

الإثنين - ٠٩ ديسمبر ٢٠١٩

ردت ندى الكامل، زوجة الفنان أحمد الفيشاوي على منتقدي استعراضها لسيارتها الفارهة ورقصها في الشارع.

slay with bestie

Posted by Nada ElKamel on Saturday, December 7, 2019

وقالت «ندى» عبر حسابها على «فيسبوك»: «انتوا ناس رخمين وبايخين وتافهين وفاضيين..وانا قررت ابقي زيكوا..لا عربيتي مش ب مليون جنيه عربيتي تمنها ٢ مليون و٦٠٠ الف.ودي عربيه واحده من التلاته اللي عندي وكلهم مفيش منهم غير قليل».

وانتقدت ندى الكامل تداول مثل تلك الأخبار، قائلة: «لازم يعني اعمل showing يعني!! وأبين نعم ربنا ليل نهار ونستعرض والناس اللي حظها قليل نفضل نزهقها ب الاخبار دي والتصرفات المريضة اللي للأسف بقت موضه رخيصه عند بعض الناس للأسف».

وتابعت: «كل انسان عنده نعمه متاخد منه حاجات قصادها كتير وانا اتحدي صاحب الخبر ده وغيره وبطلب منه ياخد ده كله ويعيش عيان وانا مش عاوزه حاجه غير الصحه وراحه البال والنوم من غير هم او خوف اني هصحي بكره والا خلاص..وده احساس مريع وهلع…وان ولادي وصحابي وجوزي وعيلتي يكونوا كويسين».

وأكدت: «مش عيب إني ابين نعم ربنا وافرح بيها…علاقل مش بنسي احافظ علي شعور الناس. لكن اللي بتكتبوه ده الي بيخللي الناس تكرهنا وطبعا هتقولوا دي اخبار عاديه بتحصل لشخصيات المجتمع …انا ولا بحب الحياه دي ومش عاوزه ابقي جزء منها غير اني مرات احمد وبس ومبحبش اختلط اصلا بحد واللي بتعامل معاهم يتعدوا علي الصوابع ..عيب عليكم».

وكانت زوجة «الفيشاوي» نشرت صورة لها من داخل سيارتها الفارهة، إلى جانب فيديو ترقص فيه في الشارع على أنغام أغنية «جابو سيرته» لأصالة.

ينشغل أحمد الفيشاوي بتصوير مشاهده في فيلم «أشباح أوروبا» إلى جانب هيفاء وهبي ومصطفى خاطر وأروى جودة، ومن تأليف كريم فاروق وسيناريو وحوار أمين جمال ‏ومحمد أبو السعد وشريف يسرى، وإخراج محمد عبد الرحمن حماقي.


الكلمات المتعلقة‎


مواضيع ممكن تعجبك