تستمع الآن

حمدي الميرغني عن عدم دعوتهم للمهرجانات الفنية: «عندنا بِدل والله»

الأحد - ٢٩ ديسمبر ٢٠١٩

كشف الفنان حمدي الميرغني، عن حزنه بسبب عدم دعوة أبطال مسرح مصر إلى عدد كبير من المهرجانات الفنية التي تقام في مصر، مشددا على أنه لا يعرف سبب عدم دعوتهم.

كان حمدي الميرغني، قد حل ضيفا على الإعلامية منى الشاذلي، في برنامجها “معكم”، قبل أن يكشف عن عدم دعوة أي من نجوم مسرح مصر إلى المهرجانات الفنية من ضمنها الجونة والقاهرة السينمائي.

وسخر الميرغني من الأمر، قائلا: “عندنا بِدل وإحنا بنضحك إن في مهرجان سينمائي نلاقي ناس عمرها ممثلت وحاضرة المهرجان”.

وشدد على أنه لا يعرف سبب عدم دعوتهم، وهل الأمر مقصودًا أم عشوائيًا، موضحا: “عندنا بِدل والله.. إحنا واخدين الموضوع بهزار، وبنضحك إن مهرجان سينمائي نلاقي ناس عمرها ما مثلت في السينما موجودين فيه، وكمان ناس مش ممثلين أصلا”.

وكشف حمدي عن تواصله مع عدد كبير من منظمي تلك المهرجانات، حيث إنهم أصدقائه، موضحا: “كلمت بعض المنظمين وهم أصحابي الرد: إيه ده بجد هو ينفع تيجوا؟.. آه ما نيجي هو إحنا علينا حظر تجوال؟، ويرد طبعا السنة الجاية لازم تيجوا وكل سنة بتعدي ومبنروحش”.

كما وجه حمدي الميرغني، رسالة إلى المهندس نجيب ساويرس وشقيقه سميح ساويرس بشأن مهرجان الجونة، قائلا: “يا بشمهندس نجيب ويا بشمهندس سميح أنا مش هطلب شقة أنا مش هطلب حاجة صعبة.. وأنا عاملك فولو يا بشمهندس نجيب على تويتر.. هبقى ابعتلك رسالة أفكرك إن أنا السنة الجاية موجود في المهرجان، أنا عزمت نفسي عشان لو لقتوني محدش يتصدم ويقول ايه ده”.

ويصور حمدي الميرغني، حاليا مشاهده في مسلسل “فلانتينو”، مع الزعيم عادل إمام ودلال عبدالعزيز، استعدادا للعرض في شهر رمضان 2020.

عادل إمام


الكلمات المتعلقة‎


مواضيع ممكن تعجبك