وجهت الفنانة روجينا، رسالة رومانسية لزوجها أشرف زكى، نقيب المهن التمثيلية، كما روت أكثر من موقف أبرز شهامته عبر حسابها على “إنستجرام”.
وكتبت روجينا فى رسالتها، قائلة: “ما أنا كنت صغيرة ومش فاهمة وبحبه وأنانية وعايزاة جنبي باستمرار وكانت كل مشكلنا أول الجواز أنت بتفضل النقابة عليّ يعنى ممكن يلغى ميعاد مهم ليا عشان رايح مستشفى أو بيحل مشكلة فى تصوير أو فيه واجب عزاء لغاية ما ربنا حب يعلمنى أو يأدبنى أو يربينى ما هو تربيته أعظم تربية”.
وأضافت: “فيحصلى حادثة موت وأقعد فى المستشفى 40 يوما ماهونش عليا غير أهلى والناس وزميلى ووقفهم جنبى مكنش فيه حاجة اسمها وقت زيارة الناس على طول موجودة والله على جبر الخاطر والناس بتطبط عليك وأنت فى أشد الاحتياج لده الناس دى ماكنش بتجيلى أنا كانت بتيجى لأشرف لأنها كانت بترد اللى بيعمله معاهم لأن هو كل سعادته فى الدنيا وهو بيساعد حد وهو واقف جنب حد وهو بيواسى حد وهو بيحل مشكلة لحد وعمرة ما فرق بين كبير وصغير”.
واختتمت روجينا، رسالتها قائلة: “من ساعة الدرس ده اتعلمت أنه فيه حد فى الدنيا يبقى هو الأمان السند هو ده اللى هكلمة أول ما يحصل لى حاجة ده نقيبى أشرف زكى واتعلمت كمان إن بيعملوا أشرف جوزى هيترد ليا انا وبناتك وهيبقى فى ميزان حسناتك هعيش أنا وبناتك فخورين بيك يا حبيبى ربنا يحفظك لنا ويديك الصحة وطولة العمر”.
ومن جانبها علقت الفنانة كندة علوش، على بوست روجينا قائلة: “ربنا يخليكوا لبعض ويخليه لكل الي بيحبو ومحتاجينه”.
وحرص عدد من نجوم الفن على توجيه الشكر لنقيب المهن التمثيلية لحرصه على مرافقة جثمان الفنان الشاب هيثم أحمد زكي بمجرد إعلان خبر وفاته، كما تدخل لإنهاء إجراءات خروج الجثمان من المشرحة لعدم وجود أحد من أسرته.
وكان نقيب الممثلين أوضح أن سبب تصريحه عن تأخر وصول الجثمان وذلك كي لا يحدث مزيد من المشكلات وجدل يثار حول أسباب عدم دفنه، وقال: “كنت لقيتهم بيكلمونى وقالوا إحنا فى مشكلة كبيرة لم يصرح بالدفن إلا بوجود حد عصب من أهله، وبعدها كلمت المحامي العام وعملنا عدة اتصالات وسيادته تعاطف مع الموقف وأمر بتسليم الجثمان لي”.
وعن عزاء الراحل، شدد زكي: “دا مكنش عزا دا كان عرس، الناس أمم العزا خلص ومحدش عايز يمشي”.
وأشار نقيب الممثلين إلى أن طريقهم من مسجد مصطفى محمود إلى مقابر الفيوم لتشييع الجثمان لم يستغرق سوى دقائق، وقال: “النعش كان بيجري كان يزف إلى السماء كما يقولون وقلت لأصحابه وهما بينزلوا النعش من العربية متدفنوش دلوقتي لسة باقي العربيات موصلتش لكنهم دفنوه مش بمزاجهم هو كان عايز ينزل مستعجل عايز يسيب دنيتنا”.
وعن أسباب وفاته قال زكي، إن المكملات الغذائية التي كان يتناولها أصدر القانون قرارا بمنعها، ويتناولها الشباب كي يحصلون على جسد مثالي ولكنها تشكل خطرا على عضلة القلب.
مواضيع ممكن تعجبك
