تستمع الآن

السيسي يطلق منظومة التأمين الصحي الشامل بجمهورية مصر العربية

الثلاثاء - ٢٦ نوفمبر ٢٠١٩

أعلن الرئيس عبدالفتاح السيسي، انطلاق منظومة التأمين الصحى الشامل بجمهورية مصر العربية.

وشدد الرئيس عبدالفتاح السيسي، على أهمية التزام المواطن باشتراك التأمين الصحى الشامل لإنجاح المنظومة الجديدة، إلى جانب التزام الدولة بنصيبها.

وقال الرئيس خلال افتتاح عدد من المشروعات القومية فى بورسعيد، يوم الثلاثاء: “كدولة ملتزمون بتنفيذه ولكن نجاح الموضوع ده مرتبط بجزء من الدولة بتقوم بيه وملتزمين بيه طبقا للتخطيط والفكرة والاساس اللى اتبنى عليه التامين الصحى، ويتبقى جزء على المواطن علشان مافيش حاجة تفشل”.

وأكد الرئيس السيسي على اهمية إجراء فحص طبى شامل لكل الطلاب مع بداية كل عام دراسى جديد، متابعا: “فى كل دخول مدارس أو جامعة لا بد من إجراء تحليل وفحص فيروس سى مرة تانية بس المرة دى على حساب الأسرة ومش هيتكلف كتير 20 جنيها فقط، للاطمئنان على صحة أبناءنا”.

وأشار إلى شكوى مستشفى بهية حول وجود حالات الانتظار لعلاج سرطان الثدى لحوالى 13 الف حالة، وأكمل: “قلنا نتصدى كدولة وفحص السيدات للتوعية”.

وأردف: “مفيش رئيس فى مكاني يتناول المسائل كده خالص.. الرئيس يتكلم فى الحلو بس”.

وشدد: “بقول لكم من دلوقتي وسجلوها عليا عشان ممكن أكون موجود أو مش موجود، موضوع التأمين الصحي الشامل دا معمول عشان ينجح، بقول دا عشان مفيش حاجة تفشل، صدقوني محدش في مكاني دا بيقول كدا خالص، لكن اتفقنا مع بعض على الصدق والصراحة”.

وأوضح: “مفيش رئيس في مكاني يتكلم في الحاجات دي، يخليها للوزير، عشان دائما تكون حاجته حلوة، لكن لا، ويعدي 15 سنة ونفشل زي ما فشلنا قبل كدا، اللي بقوله يتنافى مع السياسة والإعلام، قول الكلام الجميل بس، لكن أنا هتحاسب على كل كلمة بقولها، لن ينجح التأمين الصحي، إلا إذا كان كل واحد يحققه”.

وتابع: “خلال الـ40 أو50 سنة، كل الأفكار منجحتش لأنها كانت بتتعثر، بقول كدا عشان إحنا دائما بنجح مع بعض، يجي بقى مواطن يروح المستشفى ومش معاه فلوس ويصوروه ويقولوا المشروع فشل قبل ما يبدأ، هو دا التحدي اللي بنقابله”.

https://twitter.com/TeNTVEG/status/1199270721026957314?s=20


الكلمات المتعلقة‎


مواضيع ممكن تعجبك