رد الفنان أحمد فلوكس على ما يتعرض له من سخرية على دوره في فيلم «الممر» عبر مواقع التواصل الاجتماعي.
وقال «فلوكس» في مداخلة لبرنامج «مساء dmc» إن هناك جانب من تلك الحملة «عارفين هو معمول ليه ومين عامله».
وأوضح: «أحنا بطبعنا بنحب الضحك والتريقة ومعروف عننا من زمان، وعلشان كده فيه جانب من الحملة ما بعتبروش تنمر حتى فيه ناس صحابي بتهزر برده معايا في الموضوع ده».
وتابع: «لكن فيه جانب كان مجهز ومرتب وتم استهداف زميل آخر في الفيلم قبلي ثم تم استهدافي».
وأكد بطل فيلم «الممر»: «ما أعتقدش إننا كشعب ممكن نتنمر لأن ده عكس الشخصية المصرية المعروفة بالجدعنة».
وأضاف: «ما عنديش مشكلة مع بوستات التهريج وأنا ممكن أضحك على نفسي وفيه حاجات دمها خفيف أنا ممكن أشيرها».
وأشار إلى أنه «فيه حاجات ناس هربانين ومن بره مصر استخدمتها في سياق تاني، والمستهدف هو فيلم الممر وتأثيره اللي كان قوي جدًا على الأرض وخصوصًا على الأجيال الجديدة».
وأوضح «فلوكس» أن هناك استهداف لشخصه بعد خروجه للحديث في قضية الفنان والمقاول محمد علي على إحدى القنوات الفضائية.
وأضاف: «لما طلعت اتكلمت ده لأن الموضوع استفزني ، وكان فيه حاجات لازم أوضحها وبطريقة الإعلام ما كانش هيتكلم بيها».
وأكد أحمد فلوكس: «عندي مشكلة لازم الناس تعرفها، لما عملت دور الظابط.. أنا شكلي وتصرفاتي وشخصيتي كده في الحقيقة».
وعن أخبار هروبه من الخدمة العسكرية، قال: «أنا وحيد وما دخلتش جيش وشرف ليا أدخل جيش في أي وقت».
فيلم «الممر» تم طرحه في السينمات موسم عيد الفطر الماضي، وعُرض تليفزيونيًا في ذكرى أكتوبر المجيدة، وهو من بطولة أحمد عز، هند صبري، أحمد رزق، إياد نصار، محمد فراج، أسماء أبو اليزيد، شريف منير، وأحمد فلوكس، ومن تأليف وإخراج شريف عرفة وكتب الحوار الشاعر الغنائي أمير طعيمة.
مواضيع ممكن تعجبك
