تستمع الآن

«هوحشكم لكن مش هتوحشوني».. إيمي طلعت زكريا تنشر رسالة من والدها إلى جمهوره بعد وفاته

الخميس - ١٧ أكتوبر ٢٠١٩

نشرت الفنانة إيمي طلعت زكريا، عبر حسابها الشخصي بموقع “إنستجرام” صورة لوالدها تعلن بها عن رسالة على لسانه موجهة إلى جمهوره.

وكتبت إيمي، على لسان والدها: “أنا شايف وسامع وحاسس بكل حاجة عملتوها عشاني، أنا مبسوط قوي أني قدرت أخليكم تحبوني كده، وقدرت أخليكم تضحكوا”.

وتابعت إيمي: “ادعولي كتير عشان تهونوا عليا وحدتي، وخليكم دايما فاكرني وكل ما تشوفوني ادعولي عشان ده بيساعدني قوي، هوحشكم لكن مش هتوحشوني عشان أنا معاكم، إلى اللقاء”.

وكان عمر نجل الراحل طلعت زكريا نشر صورة تجمعه بوالده، الذي رحل عن عالمنا الثلاثاء 8 أكتوبر الجاري، بعد صراع مع المرض، عن عمر يناهز 59 عامًا عبر حسابه الرسمي بموقع “إنستجرام”، .

وعلق عمر على الصورة قائلا: “يا رب تكون بخير ومرتاح يا حبيبي، الحمدلله الدنيا زي الفل وكله تمام انتا بس اللي ناقصنا بتوحشنا كل يوم أكتر من اللي قبله بس معلش ده حال الدنيا”.

وتابع عمر: “خلاص هانت عن قريب هنتجمع كلنا وربنا يجمعنا بيك في الجنة، سيرتك هتخليني رافع رأسي الشوية اللي فاضلين، أحسن الواحد مبقاش قادر يقعد وأنت مش فيها إلى اللقاء يا حبيبي”.

واستقبلت أسرة الفنان الراحل العزاء، يوم الخميس الماضي، وحرص على حضوره عدد كبير من نجوم الفن، بينهم سمير غانم، ومحمد هنيدي، وأحمد السقا، ومحمد إمام، وهشام ماجد، وأحمد فهمي، شيكو، وأحمد آدم، وصلاح عبدالله، وأحمد بدير.


الكلمات المتعلقة‎


مواضيع ممكن تعجبك