تستمع الآن

خضر محمد يعلن انتهاء أزمته مع مهرجان الجونة: «حقي رجع»

الإثنين - ٣٠ سبتمبر ٢٠١٩

أعلن المخرج خضر محمد خضر، انتهاء أزمته مع إدارة مهرجان الجونة السينمائي، والذي حضر فعاليات الدورة الثالثة التي انتهت فعالياتها الجمعة الماضي.

وأشار خضر محمد، عبر صفحته الرسمية على موقع التواصل “فيسبوك”، إلى أن الأزمة بينه وبين إدارة مهرجان الجونة انتهت، قائلا: “انطلاقاً من مبدأ حسن النية.. تم اليوم وضع حد بصورة ودية ونهائية لسوء التفاهم بيني وبين منظمي مهرجان الجونة السينمائي”.

وكشف المخرج خضر، عن صور له خلال حضوره فعاليات مهرجان الجونة في دورته الثالثة، برفقة عدد من المشاركين ورفقة زوجته.

وعن تفاصيل التصالح، قال عبر “فيسبوك”: “امبارح واحد صاحبي كلمني يبارك لي ولقى صوتي متدايق شوية.. قال لي مالك يا عّم زعلان ليه؟ ده انت المفروض تكون اكتر واحد في مصر مبسوط ان حقوقك رجعت لك”.

وتابع: “قلت له مش متعود على سرية عقود التصالح ولا على شروطها الجزائية في حالة اني حكيت تفاصيلها.. وانا عايز الناس اللي وقفت جنبي كلها تعرف اني اخدت حقوقي كلها ونفسي احكي عن التفاصيل”.

وأكمل خضر محمد خضر: “رد عليا وقال لي حاجة لطيفة قوي.. قال لي يا خضر الناس مخضوضة عشان كل مرة بيتعاطفوا مع حد مظلوم وإتاخد حقه يا بيطلع كداب يا اما بيطلع صادق و عمره ما بياخد حقه.. إنما حالتك ديه اسمها معجزة، إنك تطلع تقول انا عايز حقي وفي اقل من سنة يرجع لك حقك ويترد لك اعتبارك بالطريقة ديه، ده في مصر ظاهرة غير طبيعية اسمها (((معجزة))) بكل المقاييس وديه اصلا تقريبا حاجة ما بتحصلش.. بس كده”.

وقال: “قولت أشير معاكم حاجة من الحاجات اللي ممكن تتقال من غير ما اخرق بنود عقد التصالح، و كل ما يحصل حاجة ينفع تتقال هاقولها.. لعل وعسى اللي مش عايز يفهم انا ليه مش عارف اتكلم يفهم.. وبشكر تاني كل اللي صدقني ووقف جنبي”.

خضر محمد خضر


الكلمات المتعلقة‎


مواضيع ممكن تعجبك