تستمع الآن

محمد عبد الرحمن: «صلاح» قال لي أنت أخدت مني لقب «فخر العرب»

الخميس - ٠٤ يوليو ٢٠١٩

كشف الفنان محمد عبد الرحمن عن سبب تسميته الشهيرة «توتا» المعروف بها في الوسط الفني ولدى جمهوره.

وقال «عبد الرحمن» خلال استضافته مع زهرة رامي في «عيش صباحك» على «نجوم إف.إم»، اليوم الخميس، إن أحد أصدقائه في كلية الحقوق جامعة عين شمس هو من أطلق عليه الاسم منذ الدراسة، وعندما قابله مرة أخرى مؤخرًا وسأله عن السبب لم يتذكّر.

وأوضح محمد عبد الرحمن أن «الإفيه» يجب أن يكون طبيعيًا من الممثل وخارج من داخله، مضيفًا: «فيه حاجات بتبقى مكتوبة عالورق بتتقال، وسواء ده أو ده لو مفيش مخرج كويس لا ده هيبان ولا ده هيبان، في الواد سيد الشحات كان الموضوع زي ورشة بنقول ارتجالات وكده، بس كان الموضوع صعب لأن فيه حاجات بنظبطها يادوب قبل المشهد أو جواه».

وأضاف أن لاعب منتخب مصر ونادي ليفربول محمد صلاح، صديق له وعلي ربيع منذ سنوات وقت لعبه لنادي فيورنتينا، قائلًا: «لقيته بيكلمني وأنا بصور الواد سيد الشحات، قال لي أنا في إنجلترا، وبعدين قال لي أنت أخدت لقب فخر العرب مني، وأنا بتفرج عليكم وسلم لي عالناس اللي عندكم ومبروك».

وتابع «عبد الرحمن»: «نفسي أمثل حاجات غير الكوميديا، لكن الناس بتحب الكوميديا وهي صعبة جدًا، فخلينا نعمل رصيد كويس في الكوميديا قبل ما نعمل التويستاية دي.. الناس والمصريين خاصة بيحبوا الضحك وده بيعلم مع الناس، ووجهة نظري الكوميديا أصعب من التراجيديا، وأنا عمري ما عملت تراجيدي غير مرة واحدة في الجامعة».

وأشار إلى أن صديقه الفنان مصطفى خاطر «ممثل تقيل، وما كانش كوميديان، لكنه لما عمل ده ما كانش حد يتخيل إنه يبقى بالنجاح ده، لكنه قدم الكوميدي مع التراجيدي في مسلسل طلقة حظ رمضان اللي فات».

وقال محمد عبد الرحمن: «اتعلمت من مسرح الجامعة، كل حاجة عن المسرح، وفي ورشة الأستاذ خالد جلال، اتعلمت فيها حياتيا، لأن فيها طاقات كتير والناس بتتعلم من بعض، وفي مسرح مصر اتعلمنا فيه الاحتراف في المسرح، وأستاذ أشرف أدانا طاقة كبيرة، وعلمنا إزاي ندوس بنزين وما نقولش تعبانين»، مؤكدًا أن الظهور الحقيقي له كان من بداية ورشة خالد جلال، مع أحمد مكي في مسلسل «الكبير أوي» ثم تجربة «مسرح مصر».

وعن البطولة المطلقة، قال «توتا»: «اتعرض عليا من سنتين بطولة مطلقة لكن لما يكون مش متأسسلها كويس فهتكون خطوة تضرني، والدور الأول مش هو اللي بيفرق معايا المهم إني بعمل دور بحبه ومبسوط فيه.. أنا بحب أبقى جوكر، يعني الناس ما تعرفش مكاني فين، ممكن أبقى بعدّي بس في الفيلم لكن دور حلو».

وعبر محمد عبد الرحمن عن سعادته بتكرار إيفيهاته بين الجمهور، قائلًا: «الواحد بيفرح أوي لما إيفيهاتي بتتكرر فمعناها إني علمت مع الناس»، وصرّح أنه يحضر حاليًا لفيلم «لص بغداد» مع محمد إمام وياسمين رئيس وفتحي عبد الوهاب وإخراج أحمد خالد موسى.


الكلمات المتعلقة‎


مواضيع ممكن تعجبك