تستمع الآن

ريهام سعيد عن حالتها الصحية: «اللي حصل معجزة»

الخميس - ٢٥ يوليو ٢٠١٩

طمأنت الإعلامية ريهام سعيد جمهورها على حالتها بعد أزمتها الصحية الأخيرة.

وكتبت ريهام سعيد، على حسابها الرسمي في «إنستجرام»: «الدكتور سمح لي بالعودة لحياتي الطبيعية. وبيقول اللي ده حصل معجزة. المعجزة دي حصلت بدعائكم. بجد شكرًا. للتوضيح الدكتور سمح لي بالحركة لأن ابتدا يظهر اعراض اكتئاب شديد ومحطوطه تحت الملاحظة ٣ شهور».

وعلقت الفنانة هيدي كرم على المنشور قائلة: «الف الف حمد الله على سلامتك حبيتي»، فيما قالت الفنانة مي كساب «حمد لله علي سلامتك ربنا يخليكي لأولادك ولكل اللي بيحبوكي»، وكتبت الفنانة نسرين أمين «ألف حمد لله على السلامة يا حبيبتي و ربنا يسعدك».

وكشفت ريهام سعيد عن تفاصيل مرضها الذي أثار بعض الجدل بين الجمهور، حيث قالت في تسجيل صوتي عبر صفحتها الرسمية على موقع «إنستجرام»: «باختصار شديد أنا حصلي مشاكل كتير خلال 4 سنوات، وكانت نفسيتي تعبانة وأتظاهر بالقوة والصمود، وكنت مصممة أكمل عشان أولادي والناس اللي في رقابتي المرضى الأطفال اللي ملهمش أي ذنب في الحرب التي كنت أخوضها، وهذا أثر على جهاز المناعة بشكل قوي وأصبحت أصاب بأي مرض بسهولة».

وتابعت: «أصبت بعد ذلك بميكروب في جزء جنب الأنف يسمى (مثلث الموت)، وأصيب الغضاريف وصعب علاجه بالأدوية لأن هذا المكان لا يصل له الدم، وأجريت عملية جراحية وأزلت أنفي كلها بالغضاريف والعظام ومفروض الأنف تبقى فاضية».

وأكملت: «ربنا رزقني بدكتور أنقذ حياتي ومازال بيقولي بنحاول ننقذ حياتك، وشال الغضاؤيف وبنى أنف جديدة من الأذنين، لكن مازالت حياتي مهددة، ومازالت مش عارفة الميكروف انتهى ولا لأ، وممكن يوصل للمخ لأنه يدعى (مثلث الموت)».

واستطردت: «مش معنى إنك تشوفني في الشارع إني خفيت لأن مرضى مش بتاع قعاد كان مطلوب مني أول 3 أسابيع ألتزم البيت، وبقالي شهرين تعبانة وصورت ونزلت هواء وآخر حلقة كنت طالعة من غير مكياج لأن الدكتور مانعني، وتعبت أكتر، وأنا مش هقدر اشتغل دلوقتي لكن في ناس ملهمش أي ذنب كانوا مفروض يسافروا ألمانيا في أسرع وقت بيعيطوا كل يوم بجد، وكل شوية البرنامج يقف واللي يدفع الثمن ناس تانية خالص».


الكلمات المتعلقة‎


مواضيع ممكن تعجبك