تستمع الآن

«إكرامي» عن المنتخب: «ربنا ساترها معانا وفيه علامات استفهام على لاعبين كتير»

الإثنين - ٠١ يوليو ٢٠١٩

تحدث كريم خطاب، في حلقة اليوم من «نجوم أفريقيا» على «نجوم إف.إم» عن مستوى أداء المنتخب المصري الذي أثار جدلًا منذ بداية البطولة مؤكدًا أن «الفوز وحده لا يكفي».

وفي مداخلة هاتفية، علق نجم حراسة المرمى والنادي الأهلي، إكرامي الشحات، على أداء المنتخب المصري خلال الثلاث مباريات السابقة منذ بداية البطولة، حيث قال: «ربنا سترها معانا، ولو بنتكلم على البطولة أدينا بنكسب، لكن على الآداء هنقول كتير، لكن هل ربنا هيسترها معانا في المباريات الجاية ده يجاوب عليه الجهاز الفني، ربنا سترها معانا في المباريات اللي فاتت علشان الجماهير لكن إلى متى، ومستوى اللاعبين اللي في الملعب في علامات استفهام كبيرة عليه»، موضحًا: «في لاعبين أساسيين من أول البطولة مستواهم عليه علامات استفهام كبيرة، هل ده غرور أو ثقة زيادة أو خوف من الجماهير مش عارف»ز

وأكد «إكرامي»: «محمد الشناوي ربنا ساترها معاه في المباريات اللي فاتت، امبارح كان زماننا خسرنا 3 أو 4 لو فيه لاعب أوغندي بيعرف يجيب جون».

وعن مشوار منتخب مصر في المباريات القادمة، قال «إكرامي»: «كل المنافسين أدائهم فيه نوع من التباين في المباريات اللي فاتت، يمكن الجزائر هي الفرقة الوحيدة اللي واخدة البطولة بجدية من أولها، لكن فرق المغرب وتونس والسنغال فيها تفاوت ومش هنعرف نحدد غير بعد دور الـ16، لكن أتمنى نتفادى منتخبات شمال إفريقيا».

واكد إكرامي الشحات أن أداء المدير الفني السابق «كوبر» مع المنتخب أفضل من «أجيري»، موضحًا «أيام كوبر كان الأداء أحسن، كان بيلعب على أد إمكانيات لاعيبته، لكن دلوقت اللاعيبة بتلعب بأكبر من إمكانياتها»، مضيفًا «الجيل الحالي ما ينفعش نقارنه بجيل حسن شحاتة، وقتها كان عندنا على الأقل 15 نجم في الملعب وبيأدوا بشكل رهيب، لكن جيل دلوقت يمكن الحاجة الوحيدة اللي بتميزه وجود محمد صلاح وسطهم، لكن لو مش موجود لأي سبب هنعمل إيه»

وعن موقف بقاء رمضان صبحي في النادي الأهلي، أوضح «إكرامي»، أن الكابتن محمود الخطيب، رئيس الأهلي، كلف خالد مرتجي، عضو مجلس إدارة النادي، بالأمس بتولي مهمة إتمام صفقة رمضان صبحي للإبقاء على اللاعب ضمن صفوف الاهلي في الموسم الجديد.

وأكد كريم خطاب أن إصابة أحمد حسن كوكا، لاعب المنتخب الوطني أمس، ستمنعه من اللعب في دور الـ16، حيث كشف الفحص عن إصابته بكدمة في الكاحل ستستدعي علاجًا لنحو 7 أيام، مشيرًا إلى أنننا سمكن ان نواجه كينيا أو جنوب إفريقيا في دور الـ16.

واستنكر «خطاب» تصريح خافيير أجيري، المدير الفني للمنتخب المصري عن أنه فوجيء بمستوى أوغندا القوي في الشوط الأول للمباراة ، وأنها كان يفترض به معرفة قدرات الفريق الذي يلعب أمامه.


الكلمات المتعلقة‎


مواضيع ممكن تعجبك