تستمع الآن

“ميدو”: محمد عبد الوهاب كان أفضل “باك ليفت” في مصر.. وحسيت إنه “ابن موت”

الأحد - ٠٢ يونيو ٢٠١٩

تحدّث أحمد حسام “ميدو”، في حلقة اليوم الأحد من “الهدافين” عن النجم الراحل محمد عبد الوهاب، لاعب النادي الأهلي ومنتخب مصر.

وقال “ميدو”: “نجم وأسطورة فقدناه في عز شبابه واحد من أفضل باكات ليفت في تاريخ مصر.. لاعب مؤدب وما بيغلطش في حد ودايمًا هادي، من الناس اللي تحس إنه ابن موت، تحس إنه ما عندوش تطلعات في الدنيا”.

وسرد “ميدو” واقعة عرض احترافي جاء لـ”عبد الوهاب”، قائلًا: “مرة كلمني الوكيل بتاعي إن باك ليفت منتخب الشباب محمد عبد الوهاب جامد جدًا وجايب له عرض من باريس سان جيرمان، فكلمت عبد الوهاب فقال لي خليني قاعد هنا أنا مبسوط ومش هروح حتة”.

وتابع “ميدو”: “قبل ما يموت كتب كلمات شعر لو شوفتوها وهي اتعلقت فترة داخل النادي الأهلي تحس إنه كان عارف إنه هيموت”، ساردًا واقعة وفاته: “في التمرين واللاعيبة بتلف حوالين الملعب، وبيهزر معاهم مرة واحدة وقع عالأرض سكتة دماغية ومات.. طبعًا حزن كبير جدًا من الجميع وفي الجنازة في الفيوم يوم صعب علينا إن زميلنا اللي كنا لسه بنلعب سوا ربنا يختاره.. مات عبد الوهاب  لكن أخلاقه وتربيته الجميلة فضلت موجودة”.

وأضاف أحمد حسام: “لما تصنفوا أجمد الباكات ليفت اللي جت مصر ما ينفعش ما تحطش عبد الوهاب وطبعًا لعب مع منتخبنا والنادي الأهلي، ولو كان ربنا كتب له عمر أطول كان هيلعب في أكبر أندية أوروبا.. وكان واحد من أهم اللاعيبة اللي شاركو في إنجاز 2006 ، لعب البطولة كاملة وأحرز ضربة جزاء في النهائي ولعب لي كرة الهدف الافتتاحي في مباراة ليبيا.


الكلمات المتعلقة‎


مواضيع ممكن تعجبك