تستمع الآن

أغرب العملات حول العالم: عملة الكلب وجلود السنجاب

الأحد - ٠٢ يونيو ٢٠١٩

الأموال تعد شيئا أساسيا في الحياة نسعى له علشان نعرف نعيش ونشتري اللى إحنا عايزينه، لكن قيمة العملة هي اللي بتحدد إيه اللي ينفع نشتريه بيها، ومع اختلاف العملات في العالم وجدنا أن هناك عملات إحنا لسه مانعرفهاش.

وقالت مريم أمين، عبر برنامج “متستغربش”، يوم الأحد، على نجوم إف إم: “ماتستغربش لما تعرف إن بعد الحرب العالمية الأولى عانت ألمانيا من مشاكل ارتفاع الأسعار وأصبح عليهم ديون كبيرة جدا وصلت لأنهم أصدروا أموالا من مواد غير متوقعة مثل الخشب علشان يعالجوا هذه الأزمة وبالفعل ظلت لوقت كبير جدا العملة الرئيسية في ألمانيا مصنوعة من الخشب”.

قطعة نقدية ناطقة

وأضافت: “ماتستغربش لما تعرف إن في 2007 الرئيس الأمريكي الأسبق جون إف كينيدي، أصدر قطعة نقود معدنية عليها صورته بتتكلم.. يعني فيها زرار أول ما تدوس عليه تلاقي صورته تكلمت، وفى نفس السنة 2007 نزلت عملة بالدولار الفضي عليها صورة السيدة العذراء مريم”.

عملة بوتين وترامب

وتابعت: “الرئيس الروسى بوتين تجمعه منافسة خاصة دائمة مع الرئيس الأمريكي ترامب.. لما قرر الأول في 2016 إنه يصدر عملة بصورته أنشأ ليها موقع رسمى أول ما تدخله ستقرأ جملة (تم إنشاء PutinCoin لتكريم شعب ورئيس واحدة من أكبر وأعظم البلدان في العالم، روسيا) وكان قيمة البوتين الواحد 3 سنت، وبعد شهرين أصدر الرئيس الأمريكي ترامب عملة باسمه هو أيضا لكن قيمة الترامب الواحد منها 48 سنتا وعمل حملة دعاية كبيرة لها لكي تنتشر”.

وأردفت مريم: “من العملات الغريبة كمان عملة (Dog) اللي صدرت سنة 2013 فى اليابان واستلهمت فكرتها من الصور الساخرة (meme) اللى كانت عبارة عن كلاب من سلالة يابانية اسمها Shiba Inu، اتنشرت أول صورة ساخرة للنوع ده من الكلاب في 2010 ولم تحقق أى رواج لحد 2013 لما تداولت وسائل الإعلام صورة لكلب مٌتبنى من السلالة دى وحققت انتشار كبير جدا، فقررت الحكومية اليابانية إنها تصدر هذه العملة وسميت (عملة الكلب)”.

العصور الوسطى

وأشارت: “لو عدنا بالزمن سنجد أن نظام المقايضة هو اللي كان سائدا في العصور القديمة وكان الملح يستخدم كعملة بين الناس في أفريقيا وكانوا يستخدموا صلبان كاتانجا كعملة تجارية، وهى كتلة ضخمة من المعادن استخلصتها جمهورية الكونغو الديمقراطية”.

واستطردت: “في العصور الوسطى فى روسيا استخدموا جلد السنجاب بدل النقود ومن كتر اهتمام الروس بالسناجب كانوا بيهتموا بحفظ كل أعضائه وبيتداولوها، ماتستغربش لو عرفت إن في غرب أفريقيا العملة التجارية اللى كانت متداولة هناك زمان هى قروش كيسى وهى عبارة عن شريط من الحديد على شكل حرف T , وفى غانا كانوا بيستخدموا الثعابين والأفاعى الحية لحماية نفسهم وهذا جعلهم يستخدموهم كعملة تجارية لكن مع الوقت تحولت العملة المعدنية الأساسية لشكل أفعى لولبي موجودة حتى الآن، يعنى اتخذوها كشعار”.

البطاطا

وشددت: “فى جمهورية الكاميرون كانوا بيستخدموا البطاطا كعملة تجارية، الخواتم و المجوهرات مش غريب إنها تستخدم كعملات، ماتستغربش لما تعرف إنها كانت جزء مهم جدا فى اقتصاد مصر لفترة كبيرة فى العصر القديم، أما فى الصين كانوا بيستخدموا السكاكين البرونزية كعملة تجارية بينهم وبدأوا يعترفوا بها كعملة لما الأمير الصينى كان بيأمر جنوده بانهم يدفعوا تمن البضاعة سكاكين لو مش معاهم فلوس، وفى شاطئ (لوانجو) فى الصين برضو كانوا بيعترفوا بالمشروبات الكحولية كعملة تجارية والدفع بالكأس”.


الكلمات المتعلقة‎


مواضيع ممكن تعجبك