تستمع الآن

هند صبري: “ماعنديش خلافات مع درّة.. وأحضر جلسات للعلاج النفسي”

الخميس - ٢٣ مايو ٢٠١٩

استضافت المذيعة جيهان عبد الله، اليوم الخميس، الفنانة هند صبري، في برنامجها “رسايل”، الذي تقدمه خلال شهر رمضان المبارك، على “نجوم إف.إم” يوميًا الساعة 5 مساءً.

وفي رسالة إلى الفنانة درة ابنة موطنها، قالت: “مبروك على مسلسلها في تونس وسمعت إنه محقق نسب مشاهدة عالية”، نافية أية خلافات بينهما أو مع أي من الفنانين، موضحة: “ماعنديش خلافات مع حد لأن ماعنديش حاجات أختلف فيها مع حد، والخلافات دي من أساطير الوسط الفني المتداولة أحنا بننافس بعض كلنا لكن فيه ما بينا مودة متبادلة”.

وقالت هند صبري عن مسلسل “بعد الفراق”: “أول مسلسل أعمله في حياتي وكنت مصممة على إني أشتغل مع نجم تاني مش لوحدي علشان لو النجاح حليفنا يتضاعف ولو فشل يتقسم على اتنين، وكنت دايمًا بقول كده مع الراحل خالد صالح.. وكان فتحة خير حلوة”، مضيفة: “خالد صالح فراقه فنيًا بيوجعني، هو من الممثلين القليلين اللي بحس وأنا بمثل قدامه إن إمكانياتي بتزيد”.

وعبرت هند صبري عن اعتزازها بمسلسل “عايزة أتجوز”، قائلة: “شكرًا مليون مرة لأنك حببت الناس فيا ودخلتني قلوبهم، وبقى من الكلاسيكيات وقنوات كتيرة بتعرضه، وبعتبره حجر أساس في مشواري”، معتبرة أن مسلسل “حلاوة الدنيا” هو الأقرب لقلبها، موضحة: “لأنه أكتر مسلسل لمس الناس في حتة حقيقية أوي، لأنه كان حالة وكان علاج للي بيعانوا من المرض ده وفيه حالة توحد حصلت بينه وبين الجمهور”.

وعن فيلمها “الممر” مع الفنان أحمد عز، قالت هند صبري: “مبروك علينا.. ودي تاني مرة مع بعض بعد (مذكرات مراهقة)، وهي دي العشرة والحاجة الحلوة في وسطنا”، مضيفة أن “الكيميا” بينها وبين الفنان ظاهر العابدين التي ظهرت في مسلسل “حلاوة الدنيا” بدأت من قبل في مسلسل تونسي قدماه سويًا.

وتابعت هند صبري، أنها تحضر جلسات للعلاج النفسي، قائلة: “بروح في حالات كتير لما بكون متضايقة وساعات بيكون فيه أسئلة في دماغي مش عارفة أرد عليها، وأنا مؤمنة إن فيه ناس مهمتها تروحي ليها علشان تساعدك مش شايفة فيها عيب”.

وقالت “هند” إن زوجها نادرًا ما يشاهد أعمالها الفنية، مشيرة إلى أنه شاهد “حلاوة الدنيا” و”الجزيرة” و”عمارة يعقوبيان” وبعض حلقات “عايزة أتجوز”، موجهة له رسالة، قالت فيها: “ربنا يخليك ليا كل سنة وأنت ضهري وسندي وأبو بناتي وصديقي المفضل”.

كما خصت هند صبري صديقتها الفنانة حنان ترك برسالة، قائلة: “وحشتني كصديقة.. وبتمنى تكون سعيدة مهما كانت السعادة دي إيه لو هي أسعد وهي مش بتمثل هبقى فرحانة لها أكتر”.

واختارت هند صبري الفنانة أم كلثوم لتوجه لها رسالة، قالت فيها: “معاليكي شكّلتي جزء كبير من شخصيتنا كلنا كعرب من وجداننا وتفكيرنا وإحساسنا بالحب، وكل ما الواحد يكبر ويسمعها يقول إيه الست العظيمة دي”، مختتمة برسالة لنفسها، قالت فيها: “فخورة بيكي”.


الكلمات المتعلقة‎


مواضيع ممكن تعجبك