تستمع الآن

هالة صدقي: “الفيديو المسيء بيّن أصحابي من أعدائي.. ولازم أشوف مجال غير التمثيل”

الأربعاء - ٢٩ مايو ٢٠١٩

استضافت المذيعة جيهان عبد الله، اليوم الأربعاء، الفنانة هالة صدقي، في برنامجها “رسايل”، الذي تقدمه خلال شهر رمضان المبارك، على “نجوم إف.إم” يوميًا الساعة 5 مساءً.

ووجهت هالة صدقي رسالة للفنان يحيى الفخراني، الذي شاركته بطولة مسلسل “ونوس”، قائلة: “أنا سعيدة بيك مش كممثل لكن كصديق وإنسان رائع وبتحب الآخر، وهو الوحيد اللي اشتغلت معاه كل حاجة إذاعة ومسرح وسينما وتليفزيون، فهو بالنسبة لي محطة كبيرة في حياتي”، موضحة أن دورها في “ونوس” كان مفاجأة للجمهور، وأنها تستمتع دائمًا بالعمل مع “الفخراني”.

وعن الفنان عمرو سعد الذي تشاركه مسلسل “بركة” رمضان الجاري، قالت: “ربنا يوفقك وينجحك كمان وكمان وأنا أعتقد إنه في الفترة الجاية ممكن يركز في الإخراج أكتر، لأنه بيحب يخرج وعنده الموهبة دي”.

كما تحدثت هالة صدقي عن أصحاب الفيديو المسيء المنسوب إليها على مواقع التواصل الاجتماعي، قائلة: “بيّنوا أصحابي من أعدائي بس الموضوع وصل إلى النيابة والاتنين دول اللي في أمريكا، المفروض محطوطين يا ترقب وصول يا إما للإنتربول ولسه قرار النيابة ما طلعش، وأنا عارفاهم وبقى لي أكتر من سنة بعمل شكاوى في مباحث الإنترنت، لكنهم بره مصر”.

كما وجهت “هالة” رسالة للسينما، قالت فيها: “كلنا عندنا طموح إن السينما تبتدي تتحرك وتطرح موضوعات هامة وتستغل النجوم الكبار والكتاب الكبار اللي قاعدين في البيت، لكن السينما مخاصمة الكل”، مضيفة: “بعتبر نفسي محظوظة إني الوحيدة في جيلي اللي بقدم كل سنة عمل”.

ووصفت هالة صدقي تجربتها في الإنتاج بأنها “فاشلة جدًا”، موضحة: “عملنا مسلسل (جوز ماما) في وقت الثورة وكان كل شركات الإنتاج قفلت وأحنا الوحيدين اللي أنتجنا وبعنا لعدد كبير من المحطات فبالعكس هو نجح وما فشلش، لكن لحد دلوقت فيه محطات ما دفعتش مقابل المسلسل”.

وتمنت هالة صدقي تقديم شخصية حتشبسوت، مؤكدة أنها كانت “ست وراجل في نفس الوقت واخترعت الاستيراد والتصدير وسافرت إفريقيا وتجيب محاصيل وتزرعها وتصدر من مصر”.

وقالت للفنان صلاح السعدني: “بحبك يا صلاح أنت صاحبي وعشرة عمري وأطيب قلب من كل النجوم اللي اشتغلت معاهم، وبيحب اللي قدامه يبقى كويس”.

وتابعت أن أقرب صديقة لها إلهام شاهين، قائلة لها: “كل سنة وأنتي طيبة، وأتمنى السنة الجاية يكون ليها مسلسل على الشاشة لأنها بقى لها حوالي 8 سنين ما اشتغلتش وده وقت طويل جدًا لفنانة كبيرة زيها”.

وفي رسالة أخيرة، قالت هالة صدقي، لنفسها: “لازم تشوفي مجال تاني غير التمثيل علشان تحافظي على مستواكي الفني واسمك وتاريخك في مكانته، يبقى لازم تدوري على عمل تاني اللي يعرف يفتح لك بيتك وتبقي مكتفية علشان ما تضطريش تنزلي تشتغلي عمل أنتي مش راضية عنه”.


الكلمات المتعلقة‎


مواضيع ممكن تعجبك