تستمع الآن

نجلاء بدر: لم أخرج بعد من تصنيف الإغراء

الإثنين - ٢٧ مايو ٢٠١٩

استضافت المذيعة جيهان عبد الله، اليوم الاثنين، الفنانة نجلاء بدر، في برنامجها “رسايل”، الذي تقدمه خلال شهر رمضان المبارك، على “نجوم إف.إم” يوميًا الساعة 5 مساءً.

ووجهت “نجلاء” الرسالة الأولى لزوجها محمد عفيفي قائلة: ” ربنا أداني نعمة وربنا يديمك عليا وأفضل في عينيك وقلبك وتبقى بالنسبة لي الأب والأخ والابن والصديق وأفضل ليك وأبقى بالنسبة لك الزوجة والبنت والصديقة زي ما احنا”، مؤكدة أن ما يحكم علاقتهما هي الصداقة بعيدا عن “تقاليد الزواج الثقيلة”.

كما وجّهت رسالة للفنان مصطفى شعبان الذي تشاركه مسلسل “أبو جبل” رمضان الحالي، قائلة: “يا جبل ما يهزك ريح”، موضحة أنهما كانا زميلي دراسة في كلية الإعلام جامعة القاهرة ورغم تلك الصداقة الطويلة إلا انهما يشتركان سويًا في عمل فني لأول مرة، مؤكدة: “ما اختارتش دوري في المسلسل.. والدور شر وأنا عمري ما عملت شر مطلق قبل كده، بس المباراة الحلوة في الدور هي بيني وبين محمود البزاوي، وده اللي خلّى الدور سلس، لأننا عملنا شر لذيذ”.

وعن حصرها في أدوار الإغراء، قالت نجلاء بدر: “ما أقدرش  أقول إني خرجت من التصنيف ده لسه، لأن التعليقات اللي بتتكتب بتقول غير كده، إن فيه ناس ما زالت شايفاني جوه التصنيف ده”

وعن السوشيال ميديا، قالت “نجلاء”: “بحب أقرا للناس اللي بتحترم الآخر وعقليته وبتقول كلمة صح حتى لو بينتقد، وفيه اللي مش فاهمين يستخدموا السوشيال ميديا إزاي وبيكتبوا بطريقة غير راقية وأسلوب مش محترم بقول لهم يا ريت نتربى الأول”.

ووجّهت نجلاء بدر رسالة لإخوتها، قائلة: “ربنا عوضني عن بابا بماما بأخواتي نادر ونيفين هما ضهري وسندي وأبويا وأمي فعلًا بعد بابا وماما”، وكذلك رسالة لنفسها، قالت فيه: “ربنا يهديكي يا بنتي.. علشان بقيت عصبية جدًا”.

كما اختارت نجلاء بدر عدة شخصيات تحب توجيه رسالة لهم، حيث قالت للمخرج داوود عبد السيد: “وحشتني أوي”، ولمهندس الديكور أنسي أبو سيف: “كانت أحلى أيام حياتي اللي اشتغلتها معاك”، ولمدير التصوير محسن أحمد: “وحشتني جدًا وأنا مقصرة معاك”.

وقالت نجلاء بدر إن الفنانة غادة عبد الرازق من الممثلات المخضرمات، مضيفة: “للأسف ما شوفتش مسلسلها لكن سمعت إنه حلو أوي وأقول لها افتقدناكي السنة دي.. لأن أنا ضد حصر المسلسلات في قناة واحدة لأني كنت متعودة أشوفها على قنوات أكتر


الكلمات المتعلقة‎


مواضيع ممكن تعجبك