تستمع الآن

منى عبد الغني: رفضت مشهد مع محمود حميدة بسبب “قُبلة”.. وأحمد زكي تدخّل لتعديل السيناريو

الثلاثاء - ٢١ مايو ٢٠١٩

استضافت المذيعة جيهان عبد الله، اليوم الثلاثاء، الفنانة منى عبد الغني، في برنامجها “رسايل”، الذي تقدمه خلال شهر رمضان المبارك، على “نجوم إف.إم” يوميًا الساعة 5 مساءً.

ووجهت “منى” رسالة للفنان الراحل أحمد زكي، قائلة: “أنا مفتقداك على المستوى مش بس الفني لكن الإنساني لأني تعاملت معه عن قرب وكنت معه في آخر أيام مرضه، بالنسبة لي أحمد زكي مش إنسان عادي، أنا مش مفتقدة حد اشتغلت معاه لكن إنسان قربت منه”، ساردةً تجربتها معه في فيلم “الباشا”، حيث قالت: “حصل إني رفضت فيلم الباشا واللي أقنعني أستاذ أحمد زكي قال لهم إن يعدلوا السيناريو علشان ما يكونش فيه مشاهد خارجة.. ومرة وقفت التصوير مع أستاذ محمود حميدة علشان كنت رافضة أقول (هاي) وأدخل أبوس من هنا ومن هنا.. أنا كان لي تحفظات طول عمري مش دلوقت بس”، معتبرة إياه من أهم تجاربها السينمائية.

وعن ألبومها الغنائي الجديد الذي عادت به للغناء بموضوعات اجتماعية، قالت منى عبد الغني: “معلش أنت اتظلمت وما أخدتش حقك لأنه اتأجل أكتر من مرة وكمان فيه زحمة أغاني كتير وأنتي بتقدمي عمل له قيمة وبيحترم ودن الجمهور في وقت انتشرت فيه أغاني التوكتوك، لكن أنت هتبقى ومش هيبقى إلا الجيد من الأعمال”.

ووجهت “منى” رسالة للفنان محمد رمضان الذي تشاركه مسلسل “زلزال” رمضان الجاري، قالت له فيها: “أنت جميل فعلا واللي يعرف محمد عن قرب يعرف إنه إنسان من الدرجة الأولى، حتى كتبت له ده على إنستجرام وقلت له أنا عرفت أنت ليه متألق كل سنة عن اللي قبلها لأنك إنسان كويس وقلبه طيب وبتحب الناس بكل طبقاتها.. والشجرة المثمرة يقذفها الناس بالحجارة”، متحدثة عن شخصيتها في المسلسل: “الحاجة لمياء جميلة ست بتدافع عن الحق وطيبة وهي قوية وأم كويسة بتقف قدام أقرب الناس ليها وهو جوزها لما بيحيد عن الحق، وبتدور على أهله وتلمهم”.

وعن رأيها في الفنانات المحجبات الذين يرتدون الشعر المستعار فوق الحجاب، قالت “منى”: “كل واحد حر ويفعل ما يشاء ويعبد ربنا بطريقته ويلبس ما يشاء، أنا ليا من الناس ما يظهر منهم ويعاملوني بخلق حسن مش أكتر”.

ونفت منى عبد الغني أن تكون ندمت على عمل سينمائي قدمته، قائلة: “ما عملتش أفلام مقاولات كتير عدد أفلامي 6 أو 7 يمكن منهم 2 ما كانش الموضوع قوي لكن أنا شخصية مش بندم أوي وبتعلم من غلطي”.

وخصّت “منى” أخيها الراحل ممدوح برسالة قالت فيها: “فاكراك وفاكرة كل حاجة حلوة كنت بتقولهالي وطيبتك مع الناس وأنت بتقول لهم حبوا ربنا ورسوله والخير اللي كنت بتعمله والشرايط اللي كان سايبهالي علشان أسمعها، هو موجود معايا طول الوقت وكل خير أنا فيه وكل حاجة اتعلمتها من الدنيا أو الدين هو ليها فضل فيها”، موجهة رسالة لنفسها، قائلة: “اتقي الله واعملي الخير في كل مكان وكوني جاهزة دايمًا للقاء ربك في أي لحظة وحاسبي ولومي نفسك، ونفسي أحبك شوية”.


الكلمات المتعلقة‎


مواضيع ممكن تعجبك