تستمع الآن

أغرب الاختراعات حول العالم.. البشر المعدلين جينيا ونظارات شمس خاصة لحماية الكلاب

الأحد - ٢٦ مايو ٢٠١٩

كل يوم نعيشه في حياتنا نرى وتظره لنا أفكارا جديدة وحاجات كثيرة لم نكن نتخيل أنها ممكن تحصل أصبحت الآن موجودة في الحقيقة، الاختراعات مجال كبير بيوسع يوم عن يوم يمكن لم نعد نستغرب لما نسمع عن اختراعات جديدة وغريبة في الحياة اليومية.

وقالت مريم أمين، يوم الأحد، عبر برنامج “ماتستغربش”، على نجوم إف إم: “ماتستغربش لما تسمع عن البشر المعدلين جينيا، الباحثين الآن تمكنوا من إضافة تعديلات جينية على البشر تقيهم من الأمراض وتقلل نسبة حدوثها، لدرجة أن العلماء مؤخرا توصلوا لبناء نماذج أولية للعين بتقدر تحول الصور اللي بتشوفها لصورة يقدر الدماغ البشري إنه يفهمها وبهذا بالشكل يمكن زراعة هذه الأعين للمكفوفين في المستقبل”.

بابجي

وأضافت: “كمان استخدام الضوء في نقل هذه العناصر التقنية ما زالت قيد التطوير حتى الآن، وهي عبارة عن أشعة ضوئية كبيرة تقدر تنقل الأجسام من مكانها

لو كنت من لاعبي لعبة (بابجي) مش هتستغرب لما تعرف إن في اليابان دلوقتي العلماء بيشتغلوا على تزويد الجسم البشري بهياكل خارجية بتساعد الجسم وبتزوده قوة كبيرة.. يعني في المستقبل هيزودوا الجنود والمقاتلين والهياكل دي عشان تضاعف قوتهم”.

وتابعت: “ماتستغربش لما تعرف إنهم دلوقتي في الصين بدأوا يستغنوا عن مهنة المزارع إلى حد كبير بعد ما صمم باريثو باول إنسان آلي متخصص في الزراعة وكل ما يتعلق بالأرض والتربة، وده بيقدر يشتغل في جميع الظروف المناخية وعلى أكثر الأراضي تعقيدا وتم تزويده بكاميرا للرؤية الليلية وقابل للاستخدام دون شحن لمدة 24 ساعة متواصلة”.

مدور النفايات

وأردفت: “يمكن هذا حصل في أكثر من دولة مثل اليابان والهند وبلجيكا وعملوا روبوتات منزلية بتشتغل عن طريق الأوامر الصوتية وممكن الرجل الآلي ده يشغل لك موسيقى أو يقول لك أخبار الطقس وممكن يسخن الفرن أو ينضف البيت وكمان يقدر يحسب لك عدد السعرات الحرارية اللي في الأكل قبل تجهيزه، أيضا اخترعوا مدور النفايات وهو اختراع صغير لا يأخذ مساحة كبيرة من المطبخ ويترمي فيه كل النفايات اللى البيت مش محتاجها وهو مزود بإنزيمات كسر النفايات العضوية وبيحولها لطاقة تدفيء البيت والمطبخ”.

Hushme

وأشارت مريم: “الصوت العالى حاجة بتضايق ناس كثيرة يمكن وهذا لن يجعلك تستغرب لما تعرف إنهم اخترعوا جهاز اسمه Hushme بيقدر يحجب صوت الأشخاص اللي بيتكلموا في الموبايل في أماكن العمل أو الأماكن العامة وهو شبه سماعات الرأس لكن يتم ارتدائه على الفم بدلا من الأذن، وماتستغربش لما تعرف إن فيه اختراع شبهه بالظبط بس ميكرفون بيخليك تغني بصوت عالي بس ماحدش يسمعك إلا أنت”.

موبايل على شكل أسورة

وأردفت: “أما كوريا فقرروا إنهم يخترعوا موبايل على شكل أسورة يتم ارتدائها في اليد بتقدر تسحب منها أشعة عن طريق اللمس بتظهر لك كشاشة موبايل وأنت اللي بتتحكم في حجمها وتقدر تتعامل به كأي موبايل عادي وتشغل من عليه الإنترنت بكل سهولة، ماتستغربش بقى لما تعرف إن نفس هذه الخاصية اتطبقت في اليابان بس على طريقة الكتاب الإلكتروني وده صممه Dragan Trencevski، وهو شبه المسطرة بتقدر تجر منه أشعة ضوئية تتفتح لك كشاشة وتقرأ من عليه أي كتاب أنت عايزه ولما تخلص تقفله بنفس الطريقة”.

واستطردت: “ماتستغربش أيضا لما تسمع عن الاختراعات اللي اتعملت للحيوانات زي طوق الكلاب الذكي، والذي يسمح لأصحاب الكلاب بمعرفة الحالة المزاجية لكلابهم وكمان بيعرفوا الأمراض اللي ممكن تصيب حيواناتهم قبل حدوثها، كمان في اليابان عملوا نظارات شمس خاصة بالكلاب، لأن الكلاب تتأثر بأشعة الشمس العالية زيهم زي البشر، وفكرة الاختراعات الخاصة بالحيوانات عموما لا تعتبر شيء جديد لأن اللي بدأتها كانت لندن لما انتشر عندهم الغاز سنة 1940 خافوا على خيولهم فاضطروا يصنعوا قناع للخيول ضد الغاز عشان يحافظ على حياتهم”.


الكلمات المتعلقة‎


مواضيع ممكن تعجبك