تستمع الآن

فيديو| منة شلبي: «مفيش حاجة اسمها فتى أحلام»

الأربعاء - ١٣ مارس ٢٠١٩

قالت الفنانة منة شلبي، إنه لا يوجد في قاموسها كلمة «فتى أحلام» أو «فارس أحلام»، مشيرة إلى أن هناك أمور أكثر أهمية في هذا الشأن، من بينها «الطيبة والحنية».

وأضافت منة شلبي خلال حلولها ضيفة على الفنانة إسعاد يونس: «مفيش حاجة اسمها فتى أحلام ولا فارس أحلام.. في حاجة اسمها ناس بتحترم بعض، وناس بتقدر بعض وحنينة على بعض، الأصل والطيبة دول أهم حاجة في أي شخص».

وأكملت: «لو حد عنده أصل فأي حاجة تانية تقدري تتفاهمي فيها معاه، لكن الأهم هو الحنية والأصل الطيب والتربية الجيدة بين الشخصين، لأنها ستعيش بينهما».

وأضافت: «أنا برفض الرجل الكذاب، والمغرور، والأفّاق، والمدعي، وغير الطيب، هم ليسوا في محيط حياتي الشخصية، لا يمكن يكون ليّ صديق بهذه المواصفات».

وأشارت منة شلبي، إلى أنها لا تستطيع تحمل الشخصيات المزيفة في حياتها، منوهة بعدم قدرتها على التعامل مع الذين يحملون أكثر من وجه، مؤكدة: أنا ممثلة فاللي بيمثل قدامي هيبان».

وتابعت: «تجاه هذا الأمر، أواجه سؤال (هتتجوزي امتى؟) أكثر من سؤال إنتي (عاملة إيه)، لكن الموضوع ده نصيب».

واستطردت: «أنا مش معاندة لكن ممكن ربنا كاتبلي دلوقتي الشغل كويس والزواج مفيش نصيب».


الكلمات المتعلقة‎


مواضيع ممكن تعجبك