تستمع الآن

سارة عبدالرحمن عن فستان “مهرجان القاهرة”: “مستعمل من وكالة البلح”

الأحد - ٠٢ ديسمبر ٢٠١٨

كشفت الفنانة الشابة سارة عبد الرحمن، عن مفاجأة بشأن إطلالتها في حفل ختام مهرجان القاهرة السينمائي الـ 40، والذي أقيم في دار الأوبرا.

وأشارت عبدالرحمن، خلال تدوينة عبر صفحتها على موقع “انستجرام”، إلى أن الفستان الذي ظهرت به كان مستعملا من وكالة البلح وبمبلغ 370 جنيهًا.

وقالت: “من أكتر الحاجات الممتعة في شغلي هي فرصة إني أتعامل مع مصممين أزياء وستايليستس شاطرين للتعبير عن نفسي من خلال اللبس، بس لحفل ختام مهرجان القاهرة اخترت إني ألبس فستان اشتريته من وكالة البلح (حتة الهدوم المستعملة) بـ 370 جنيه”.

وأضافت: “تقليل الاستهلاك من الحاجات الشخصية اللي باقدر أعملها عشان أحافظ على البيئة، يعني بأوزع اللي مش باستخدمه، ومابشتريش غير اللي محتاجاه، ولو اشتريت.. اشتري مستعمل، مش حاجة متصنعة جديد اتصرف عليها فلوس كتير، وصنّعها عمال في ظروف غير آدمية”.

وأكدت: “فيه فكرة كدة أن ممكن يُعتبر (عيب) مثلا إن الواحد يلبس حاجة مستعملة.. بس أنا حبيت أثبت لنفسي أولا أن من السهل ألاقي حاجة مستعملة لائقة للمناسبة وفي نفس الوقت مستدامة – صديقة للبيئة.. بالتأكيد مش باقدر أعمل كده طول الوقت زي ما باتمنى بس أهو اديني باخد خطوات صغيرة”.

ولا تعد هذه المرة الأولى التي ترتدي فيها سارة فستانًا يدعو إلى قضية معينة، حيث ارتدت خلال حلولها ضيفة على هامش مهرجان الجونة السينمائي، فستانًا من أكياس البلاستيك المعاد تدويرها.

 

View this post on Instagram

 

من أكتر الحاجات الممتعة في شغلي هي فرصة إني أتعامل مع مصممين أزياء و ستايليستس شاطرين للتعبير عن نفسي من خلال اللبس. ‏بس لحفل ختام مهرجان القاهرة اخترت إني البس فستان اشتريته من وكالة البلح (حتة الهدوم المستعملة) ب ٣٧٠ جنيه. تقليل الاستهلاك من الحاجات الشخصية اللي باقدر اعملها عشان احافظ على البيئة.. يعني “باوزع” اللي مش باستخدمه، مابشتريش غير اللي محتاجاه و لو اشتريت.. اشتري مستعمل، مش حاجة متصنعة جديد اتصرف عليها فلوس كتير و صنّعها عمال في ظروف غير آدمية. فيه فكرة كدة ان ممكن يُعتبر “عيب” مثلا ان الواحد يلبس حاجة مستعملة. بس انا حبيت اثبت (لنفسي أولا) ان من السهل اني الاقي حاجة مستعملة لائقة للمناسبة و في نفس الوقت مستدامة/صديقة للبيئة.بالتأكيد مش باقدر اعمل كدة طول الوقت زي ما باتمنى بس اهو اديني باخد خطوات صغيرة 🙂 شكر خاص لأحمد سرور و صالون الصغير و كايروزوم.

A post shared by Sarrah Abdelrahman (@sarrahsworld) on

وكشفت سارة عن تفاصيل تخص فستانها الذي ظهرت به، مشيرة إلى أنه صنع من 30 كيس بلاستيك أعيد تدويرهم، من خلال شركة مصرية متخصصة في صناعة ملابس وحقائب من أكياس البلاستيك.

وقالت: “مصر بتنتج ١٢ مليار كيس بلاستيك في السنة، و١-٥ ٪‏ من العدد ده بس بيعاد تدويره.. الباقي بيفضل مدة طويلة في قوالب القمامة ومع الشمس بيطلع مادة سامة اسمها الميثان اللي بيضر الانسان وبيجبله امراض منها السرطان، أو بيستقر في البحر أو الصحراء عشان يهدد الثروة الحيوانية”.

وأعلنت سارة، اسم المصنع التي ارتدت من خلاله هذا الفستان، قائلة: “اللي أنا لابساه ده معمول من ٣٠ كيس بلاستيك مُعاد تدويرهم، “Upfuse” براند مصري بيصنع شنط من أكياس البلاستيك كمشروع ينشر الوعي للحفاظ على البيئة، هما عادة بيصنعوا شنط لكن رحبوا بفكرة تنفيذ التوب دة مخصوص، اللي صممته الموهوبة جدا إزميرالدا رضوان”.


الكلمات المتعلقة‎