كشف الفنان إياد نصار، عن السبب وراء جملة “مش مسموحلك تكبري”، والتي وجهها لزوجته شيماء الليثي بعد ظهورهما سويًا في برنامج “تخاريف”، والتي تسبب في هجوم عليه من معجبيه.
ووفقًا لما قرأته مارينا محفوظ في برنامج “كلاكيت” على “نجوم إف إم”، اليوم الأربعاء، فإن إياد حل ضيفا على برنامج “تخاريف” وتم تحويل شكله إلى شكل رجل في الخمسينات من عمره وزوجته أيضًا.
ووجه إياد رسالة إلى زوجته بعدما وجد شكلها متغيرًا وكبيرًا في العمر، قائلا: “لا لا.. مش مسموحلك تكبري.. أنا أكبر زي ما أنا عايز انتي لا.. شكلك مش صعب والموضوع مش يخوف، لكن الفكرة نفسها بالنسبالي لا، أوعي تعمليها”.
وتابع: “اللي خفت منه هو نظرة عنيها، أكبري شكلا زي ما انتي عايزة، لكن لما اتطلعت في عين شيماء رديت عليها قلتلها مش مسموحلك تكبري”.
واعتبر الكثير من النشطاء، أن رد فعل إياد نصار صادم بسبب قوله لزوجته “مش مسموح لك تعجزي أو تكبري”.
وعقب الهجوم عليه من قبل مواقع التواصل الاجتماعي، رد إياد عبر موقع التواصل الاجتماعي “فيسبوك”، قائلا: “لما بدعي لربنا وبستعيذ بالله من غلبة الدين وقهر الرجال.. كنت بفكر دايما هو ايه اللي بيقهر الرجال؟ خصوصا أن الدعاء كامل بتستعيذ بالله من الهم والغم والحزن والجبن”.
وتابع: “ده كله قهر للإنسان.. اللي فهمته أن اللي بيقهر الراجل أنه يشوف الخوف في عينين.. اللي بيحبهم ومايقدرش يحسسهم بالأمان.. أنك تشوف خوف في عينين مراتك وماتقدرش تطمنها.. زي لما شوفت الخوف في عينين مراتي لما خافت أنها تكبر وتعجز.. وقتها قلتلها لا مش مسموحلك تكبري.. مش مسموحلك تخافي من الزمن وأنا جنبك”.
وأكمل إياد نصار: “كان ممكن أقولها الله زي القمر اتجوزك تاني وأرضي نحانيح كوكب الأرض.. أنا رديت من دوري في حياة مراتي أنا مش حسمح للحظة خوف تعدي عليكي أنا مش حسمح أنك ماتحسيش بالأمان وأنا جنبك.. انتي مش مسموحلك تكبري مش مسموحلك تخافي.. إلا قهر الرجال.. اللهم إني استعيد بك من قهر الرجال”.
مواضيع ممكن تعجبك
