احتفل الفنان تامر حسني بنجاح فيلمه الجديد “البدلة”، والذي شاركه فيه الفنان أكرم حسني، وعرض خلال موسم عيد الأضحى الماضي، محققًا نجاحًا ضخمًا.
ونشر تامر عبر صفحته على موقع “انستجرام”، صورة لأفيش الفيلم، معلنًا تحقيقه أعلى إيراد في تاريخ السينما، بإيرادات 60 مليون جنيه.
وقال تامر: “مساء الورد على أغلى ناس.. في الحقيقة مش بحب اتكلم عن أرقام إيرادات أفلامي بس سامحوني المرة دي مضطر اتكلم وبتكلم وأنا فرحان من كل قلبي”.
وأكمل: “النهاردة فيلم البدلة حقق رقم استثنائي أول مرة يحصل.. حقق أعلى رقم في تاريخ السينما المصرية والعربية داخل مصر وخارجها، فكان لازم أفرح ونفرح مع بعض وكان لازم التاريخ يشهد على التحقيق ده عشان كان حلم من أحلامي لإني في الأصل مطرب”.
واستطرد: “كانت أمنيتي أحقق ده في السينما ومش فكرة إيراد قد ماهو إجماع شعبي جماهيري على الذهاب للفيلم والإشاده به وثانيًا لإنه فكرتي.. وطبعًا ده نجاح كل فريق العمل المحترم.. والروح الجميلة الطيبة اللي كانت بينا هي السبب في ده”.
وتابع “نجم الجيل”: “فرحتي الثانية لإن السنة دي ألبوم عيش بشوقك حقق أعلى مبيعات.. الحمدلله الحمدلله الحمدلله.. أما عن فرحة عمري الكبيرة بالنسبة ليا إن 2018 السنة اللي شفت فيها إبني (آدم)، ربنا يحفظه ويجعله ظهر وسند لإخواته ويحميكم ويسعدكم انتم وإخواتكم وأولادكم وآبائكم”.
مواضيع ممكن تعجبك
