قال الدكتور نور أسامه استشاري تعديل سلوك الأطفال أنه يمكن علاج التلعثم في نطق الحروف في أي سن سواء صغير أو كبير، مشيرا إلى أن الأمر يكون أصعب قليلا في السن الكبير.
وأضاف دكتور نور أسامه خلال حواره مع رنا خطاب في برنامج “بنشجع أمهات مصر” على نجوم إف إم “ممكن تحصل حاجات عارضه زي التلعثم المفاجئ بتبقى سببها شعوره بالإهمال أو مشاكل في البيت أو للفت الانتباه. أبدأ أشوف إيه المشكله هل أنا بقسى عليه أو هل عنده مشكله في الحضانه أحاول أعرف السبب عشان أعالجه عشان ننهي مشكلة التخاطب”.
تشتيت الانتباه عند الأطفال
وعن علاج تشتيت الانتباه عند الأطفال قال “لو إبني عنده تشتيت انتباه ومش بيركز أدي لإبني تمرينات خاصة بالتركيز مثلا أحكيله قصة بليل قبل ما ينام ولما يصحى الصبح أسأله على حاجات في القصة وأخد بالي هل عنده فرط حركه مصاحب لتشتيت الانتباه عشان بتفرق وساعتها لازم أحلل غدة درقية”.
وأردف “عادة وضع الأصابع في الفم عند الأطفال عادة بروح لوحدها عند سن 4 سنين لكن ممكن ماتروحش بسبب التوبيخ والزعيق أو الأمهات اللي بتحط شطة على أصبع الطفل عشان مايحطوش في بوقه. أعالجه عن طريق مكافأة يعني مثلا لو ماعملتش كده هفاجئك أو أديله بديل مثلا أمسك الكرة بدل ما تحط أصبعك في بوقك”.
التعامل مع التنمر
وعن كيفية التعامل مع الطفل عند تعرضه للتنمر قال “لما أبني يتعرض للتنمر لازم أقعد معاه ونرسم سوا سيناريو لكل موقف ممكن يتعرضله وأقوله يتصرف فيه إزاي عشان مايتفاجئش ساعتها. يعني مثلا لو في المدرسة حد ضايقة أقوله إنه المفروض يروح يقول للمدرسة ولو في النادي يجي يقولي أنا وهكذا لكن مش هينفع أقوله إضرب اللي يضربك أو اشتم اللي يشتمك”.
وتابع “لو بنتي معندهاش صحاب في المدرسة أو زمايلها مش بيحبوها ولو معرفتش أعالج المشكلة دي، أبدأ أخليها تلعب رياضة ويُفضل تكون جماعية عشان يبقى عندها بديل وتحس إن عندها أصدقاء ومجتمع حتى لو برة المدرسة”.
مواضيع ممكن تعجبك
