تستمع الآن

سامي مغاوري لـ”عيش صباحك”: الجيل الجديد يستكبر على النصيحة

الخميس - ١١ أكتوبر ٢٠١٨

اشتكى الفنان القدير سامي مغاوري من أن أغلب الجيل الجديد من الفنانين يستكبروا على سماع أي ملحوظة، في الوقت الذي يحرص فيه على الحوار مع المخرجين الشباب.

وأضاف سامي مغاوري خلال حواره مع زهرة رامي ومروان قدري في برنامج “عيش صباحك” على نجوم إف إم: “الشباب مش عاوزين اي نصيحة، على عكس جيلنا الذي يسمع النصيحة ويراقب الجيل السابق له حتى يتعلم منه”.

أما عن طريقة اختياره أو موافقته على أي عمل قال “أول حاجة هي الشركة المنتجة هي بتدي نوع من الثقة تاني حاجة ورق العمل ثالث حاجة قعدتي مع المخرج لما يقعد ويشرحلك العمل ككل من خلال شرحه وكلامه بفهم شخصيته، وأنا بحب أشتغل مع المخرجين الشباب وبحب يبقى في تواصل بيني وبين الجيل الجديد”.

عشق الارتجال

وقال الفنان الكبير:”أنا من عشاق الإرتجال وسمير غانم ملك الإرتجال فلما بشتغل معاه بتبقى المتعة متعتين إني أشتغل معاه وأتفرج عليه”.

وأضاف “أنا بعمل شخصية وتصور للشخصية دي وبعدين نطلع الضحك منها، لكن أغلب الشباب الجديد عايز يقول إيفيهات وخلاص”.

وفي سؤاله عن ما هو الدور الذي يعتبره دور العمر الذي يفتخر به ويحبه قال “كل دور بالنسبة لي له ذكريات ومواقف وله حاجة معايا، بس في مثلا البشاير ده اتعرض كتير وكل مرة في ناس بتشوفه وتحبه وأنا بحب الشخصية دي فعلا، وفي مثلا مسلسل شربات لوز مع يسرا ومسلسل رحيم السنة دي لأني بحس إنه عملي نقلة نوعية مع الناس، ومسلسل لهفة عملي جماهيرية لأنه اتشاف جدا.

الفنان سامي مغاوري
الفنان سامي مغاوري

وفي سؤاله عن الأشخاص الذين يفضل العمل معهم قال “أي حد من الجيل القديم أحب أشتغل معاه زي مثلا يسرا وعادل وإمام ويحيى الفخراني. وبحب بردو أشتغل مع بيومي فؤاد طبعا، خصوصا إن المسرح بيكشف الممثل الكويس والإنسان الكويس وبيومي فؤاد ممثل كويس وإنسان راقي.وبردو محمد هنيدي في مسلسل أرض النفاق، ومحمد سعد كمان عملنا مع بعض شغل هايل”.

وعن كريم ابنه قال “جبت لإبني كريم 11 كتاب لتوفيق الحكيم ودي كانت نواة المكتبة بتاعته، وبعد كدة جه في ثانوية عامة قالي أنا عايز أدخل المعهد قولتله يبقى لازم تذاكر وتجيب مجموع عشان محدش يقول إنك دخلته واسطة عشان إنت إبن سامي مغاوري، وفعلا جاب في ثانوية عامة 80% ودخل معهد السينما واتقبل وكان التاني أو الثالث على الدفعة، فأنا مع إنه يعيش تجربته لأن كل مهنة ليها حلوها ومرها”.


الكلمات المتعلقة‎


مواضيع ممكن تعجبك