تستمع الآن

خبيرة تغذية للأمهات: تجنبوا إجبار أطفالكم على تناول أطعمة معينة

الخميس - ١٨ أكتوبر ٢٠١٨

تلعب التغذية الصحيحة دورا مهما في تقوية مناعة الطفل وتجعله أقل عرضةً للإصابة بالأمراض، وتحسن من نشاطه البدني والذهني، وبالتالي سيتمتعون بصحة جيدة و وزن صحي، مما يؤدي إلى نموهم بطريقة سليمة. والعادات الخاطئة في تغذية الأطفال تؤدي إلى إصابتهم بسوء التغذية مما يعرضهم إلى العديد من المشاكل الصحية والأمراض.

وفي هذا السياق قالت قالت فيفيان فريد خبيرة التغذية العلاجية، إن التغذية السليمة مهمة جدا للحفاظ على صحة الأطفال والوقاية من الأمراض، مؤكدة أنه بالرغم من ذلك يجب عدم إجبار الأطفال على تناول أطعمة معينة لا يحبونها.

وأضافت فيفيات فريد خلال حوارها مع رنا خطاب في برنامج “بنشجع أمهات مصر” على نجوم إف إم “في أكلات الأطفال مش بيحبوها فممكن نحاول نعملها بطريقة مختلفة عشان نحببهم فيها أو نديهم فايدتها من خلال حاجات تانية”.

وتابعت “البيض من الأكلات اللي الأطفال مش بيحبوا ياكلوها وخصوصا المسلوق لأنه صعب في البلع حتى على الكبار فممكن نعملهلهم بطريقة مختلفة زي إننا نديهم البيض من خلال الـpan cake والـcup cake يعني مش لازم ياكلوه مسلوق طالما مش بيحبوه”.

الشيف وخبيرة التغذية فيفيان فريد
الشيف وخبيرة التغذية فيفيان فريد

وأردفت “السمك بردو في أطفال كتير مش بيحبوه فممكن نعمله زي الـchicken strips وممكن نحط جمبة رز وسلطة ويفضل تبقى سلطة ملونة ونحطلهم عليها dressing حلو ومختلف. وبالنسبة للبن مش كلنا نقدر نهضم الاكتوز الموجود فيه فماتجبروش الطفل على كوباية اللبن بتاعة الصبح لأنه لما يقولك إن بطنه وجعته ممكن فعلا تبقى وجعته من اللاكتوز فلو مش بيحب يشرب لبن ممكن أعوضه بزبادي أو جبنه بيضة”.

وفي سؤالها عن نوعية الأكل الذي يجب إعطاءه للأطفال في المدرسة قالت “الـlunch box أهم حاجة فيه الكيف أو الجودة مش الكم، وأنا شخصيا ضد إننا نحط لحوم وفراخ للأطفال في الـlunch box ومابحبش أكل الحاجات دي على الصبح كدة، ويفضل يفطروا الصبح قبل ما ينزلوا ونديلهم ساندوتش كمان ياكلوه هناك ومعاه مثلا cupcake”.

وأكدت “مش شرط إني أفضل أضغط على ولادي ياكلوا حاجات معينة زي الخضار أو رز وبروتين، ممكن أحاول أعملهم الأكل بشكل مختلف عشان يحبوه وياكلوه ولازم أفهم إن الأطفال مش زينا مش بيقدروا ياكلوا نفس الحاجات ولا بنفس الكميات”.

واختتمت “المياه مهمة ولازم ماكملش ساعة من غير ما أشرب مياه وماستناش لما أعطش أو لما أفتكر. ومن الأكلات المفيدة والمهمة جدا للكبار والصغار وبتسبب الشعور بالشبع وبنصح بيها هو الشوفان”.


الكلمات المتعلقة‎


مواضيع ممكن تعجبك