تستمع الآن

ممارسة الرياضة وتقليل الكافيين في الليل.. أفضل طرق الحصول على حياة صحية

الأربعاء - ١٢ سبتمبر ٢٠١٨

تحدث المدرب الرياضي أحمد بيومي عن أفضل طرق للحصول على حياة صحية، وشرح كيفية اختيار الرياضة المناسبة التي تستطيع ممارستها بانتظام.

,وقال بيومي إن أفضل طرق للحصول على حياة صحية ونوم هادئ هو النوم المبكر، قبل منتصف الليل، وقطع التعامل مع الإلكترونيات قبل النوم بساعة لتهدئة الجهاز العصبي، كما أكد أهمية عدم الأكل وشرب الكافيين قبل الخلود إلى النوم مباشرة

وأضاف الكابتن أحمد بيومي خلال حواره مع مروان قدري في برنامج “عيش صباحك” على نجوم إف إم  “في الرياضة الأنسب ليك إنك تعمل حاجة تقدر تفضل تمارسها على طول، لو عايز تلعب رياضة اختار حاجة تقدر تكمل فيها، جرب لحد ما توصل للمناسب ليك. لو أنت شخص عايز بس تحافظ على صحتك وجسمك على المدى البعيد مش محتاج تمارس رياضة 5 أيام في الأسبوع، كفاية يومين رياضة وممكن باستخدام أوزان معقولة مش ثقيلة، وباقي الـ3 أيام ممكن تكتفي بالمشي”.

الكابتن أحمد بيومى المدرب الرياضي
الكابتن أحمد بيومى المدرب الرياضي

وعن طرق اكتشاف أفضل نوع رياضة للجسم قال “هتعرف إيه أحسن حاجة ليك بالتجربة، ممكن تبدأ بالـgroup exercise وشوف هتكون مبسوط إنك بتتمرن مع ناس وبتشجعوا بعض ولا لأ، وممكن تروح جيم وتشوف مدرب شخصي أو حتى لو بتلعب كورة مرتين في الإسبوع مع أصحابك كويس بردو المهم يكون في أي رياضة وبتحرك جسمك”.

وتابع “مش ضروري إن عندك وجع في جسمك إنك ماتلعبش رياضة، في عوامل كتيرة بتسبب الوجع ده زي الضغط النفسي والأكل الغلط. لو الوجع محتمل اتمرن عادي بس ماتعذبش نفسك أما لو وجع قوي ساعتها استشير دكتور”.

واختتم “بلاش تاكل حاجات محفوظة ومُصنعة خليك أفضل في الحاجات الطبيعية، وأمضغ أكلك كويس أوي، هتفرق أكتر في سرعة هضم الأكل، حاول تاكل فاكهة وخضار ملونين، حاول تاكل 10 ألوان في اليوم لأن ده معناه إنك بتنوع في فوائد الأكل اللي داخلة جسمك”.


الكلمات المتعلقة‎


مواضيع ممكن تعجبك