تستمع الآن

غرفة صالون من الكاوتش والبراميل.. عروسان يلجأن لفكرة مبتكرة لصنع أثاث منزلهما

الأربعاء - ١٢ سبتمبر ٢٠١٨

قرر عروسان مقبلان على الزواج اللجوء لفكرة مبتكرة فى تصنيع غرفة صالون بمحتوياتها من ترابيزة ونجفة وديكورات إضاءات، باستخدام إطارات السيارات بأحجامها المختلفة، وإطارات الدراجات الهوائية، والبراميل البلاستيكية كبيرة الحجم.

ووفقا للخبر الذي قرأه خالد عليش، يوم الأربعاء، على نجوم إف إم، عبر برنامج “معاك في السكة”، فقال هشام الشاعر: “أنا وخطيبتى قررنا إن شقتنا تكون مختلفة، وما ننزلش ندوّر على عفش تقليدى وخلاص، ما كل الناس عندها عفش، لكن المختلف إننا نعمل الحاجة بتصميمنا وعلى إيدينا، واحد صاحبى عرض عليّا يعملى الصالون كله من كاوتش العربيات، فى الأول قلقت ولما شفت الصور عجبتنى واتمسكت بيها”،

وأضاف: “هى الفكرة مجنونة ومجازفة كبيرة، خصوصاً أن دى شقة عريس وعروسة، يعنى الناس أول حاجة هتسأل عليها العفش”.

وأوضح: “كلفت الغرفة 7500 جنيه، وهى تكلفة بسيطة جداً مقارنةً بأسعار السوق”، وحرص هشام وعروسه على استخدام إطارات السيارات أيضاً فى إنارة وتجميل الشقة، كنجف يوضع بداخله اللمبات الملونة بشكل جمالى.

سامح عادل، موظف فى بنك، لكنه يهوى إعادة التدوير، قام بصناعة أكثر من طاقم للأنتريهات بأشكالها المختلفة، من إطارات السيارات، أوضح: “لما هشام عجبته الفكرة نزلنا سوا اشترينا كل الكاوتشات اللى محتاجينها والقماش والإسفنج، وأنا اللى عملت كل حاجة بنفسى حتى التنجيد أنا اللى نجدته”.


الكلمات المتعلقة‎


مواضيع ممكن تعجبك