تستمع الآن

محمد عادل: انتظروا الجزء الثاني من أبو العروسة

الخميس - ١٦ أغسطس ٢٠١٨

قال محمد عادل إنه يحب الغناء لكن التمثيل هو كل حياته، مؤكدا أنه ممثل في المقام الأول لكن من الممكن أن يعمل أشياء أخرى بجانب التمثيل مثل الكتابة والإخراج والغناء. وأشار إلى أنه لا يحب الأغاني الإنجليزية ولكنه يحب الأفلام إنجليزي وممثله المفضل هو “توم هانكس”.

وصرّح محمد عادل خلال حواره مع زهرة رامي في برنامج “عيش صباحك” على نجوم إف إم “في جزء تاني من أبو عروسة وهيكون 60 حلقة. وأنا حبيت مسلسل الطوفان عشان اشتغلت مع اسم كبير زي خيري بشارة وعشان أول ظهور ليا وأنا بغني كان متقدم بشكل قوي، واستمتعت إني عملت دور في تمثيل وغناء”.

وأضاف “مبعرفش أبقى موجود بشكل دائم على السوشيال ميديا فمبعرفش أتابع ردود فعل الجمهور عليها، وفي رأيي السوشيال ميديا بتاكل الوقت”.

وعن رأيه في العمل خارج موسم رمضان قال “بحب الـ off season لأن مفيش صراع وخناقات زي موسم رمضان ومش لازم يبقى معاك ميجا ستار، بيبقى في سربعة بردو لكن مش زي رمضان بردو، وبره رمضان طرح المواضيع أسهل”.

الفنان محمد عادل وزهرة رامي
الفنان محمد عادل وزهرة رامي

أما عن دوره في أمر واقع قالت “كنت مبسوط بدوري في أمر واقع خصوصا إني كنت ضيف شرف فكان عندي فرصة أجرب حاجة جديدة زي دور شخص عنده توحد. الناس عندها لخبطة بين التوحد وبين أمراض تانية، والتوحد 25 درجة وأنا عملت أبسطهم لأن القصة مكانتش تحتمل أكتر من كدة”.

وتابع “أتمنى أشتغل تاني مع أستاذ هاني خليفة وخيري بشارة وأشتغل مع شريف عرفة، عموما أتمنى أشتغل مع أي حد بيحب شغله. وفي رأيي المخرج المهم لما بيجي يشتغل في دراما هيركز مع الورق مع الممثلين أكتر من الكادرات وكدة لأن في المسلسل أهم حاجة الحدوتة، لكن في السينما الموضوع مختلف شوية”.

وفي سؤاله عن رأيه في الفرق بين الممثل خريج المعهد وغيره قال “بالنسبة لي بقسمهم لـ الشخص اللي عنده وعي ودراسة وخبرة واللي معندوش، يعني اللي وقف 5 سنين ع المسرح وقرأ كُتب ده يعتبر بردو دارس حتى لو مش خريج معهد”.

واختتم “من أكتر الحاجات اللي نفسي فيها هي إني أعمل أفلام شعبية حقيقية لأني من شبرا ف نفسي أعمل حاجات بتمثل واقع وحقيقة المناطق دي مش جو البلطجة بقى وكدة”.


الكلمات المتعلقة‎


مواضيع ممكن تعجبك