تستمع الآن

لغات الحب الخمس التي يستخدمها الأطفال وكيفية معرفة لغة طفلك

الثلاثاء - ١٤ أغسطس ٢٠١٨

لدى كل طفل لغة حب أساسية وهي طريقة يدرك بها حب والديه ويشعر به. ويحتاج الطفل لجميع لغات الحب الخمسة، لكنه يشعر بواحدة منها أكثر من باقي اللغات.

وفي هذا السياق قالت مريم مدحت خبيرة التربية الإيجابية إن كتاب لغات الحب الخمس يقول إن للحب لغات، فمثلا إذا تحدثت لغة عربية مع شخص يتحدث نفس اللغة سيفهمك بسهولة لأنك تحدثه بنفس لغته. نفس الأمر في الحب، حتى يشعر الشخص بحبك يجب أن تحدثه لغته في الحب، والأطفال عموما لغتهم مختلفة عن الكبار لذلك يجب على الأم فهم لغة الحب الخاصة بابنها حتى يصبح التواصل بينهم أعمق.

وأضافت خلال حوارها مع رنا خطاب في برنامج “بنشجع أمهات مصر” على نجوم إف إم “أول لغة في اللغات الخمس هي التواصل الجسدي زي الأحضان والبوس بيني وبين الطفل، والوقت الخاص بمعنى إني أقعد معاه كل يوم ويبقى وقت مخصوص ليه هو، اللغة الثالثة هي كلمات التشجيع وإني أحمسه على الحاجات الكويسة اللي عملها وأمدح الصفات الكويسة اللي فيه، رابع حاجة هي المساعدة إني أساعده في حاجة معينة هو بيحب يعملها أو أساعده في هدف معين عنده زي المذاكرة او التمرين او اي حاجة بيعملها، خامس لغة هي الهدايا إني أهادي الطفل بحاجة تبسطه”.

مريم مدحت خبيرة التربية الإيجابية
مريم مدحت خبيرة التربية الإيجابية

وعن طريقة معرفة لغة الحب الخاصة بالطفال قالت “أعرف لغته من خلال حاجات كتير منها الحاجة اللي بيطلبها والحاجة اللي بيزعل منها أو بيشتكي منها. وكمان في اختبار أونلاين عن لغات الحب الـ 5 عند الأطفال والكبار وعلى حسب إجاباتك على حوالي 30 سؤال بيقولك إنتِ إيه اكتر لغة حب مهمة بالنسبة لك أو للشخص اللي بيجاوب زي ابنك أو شريك حياتك”.

أما عن مرحلة المراهقة قالت “في سن المراهقة إحنا بنجني ثمار اللي عملناه في أول 10 سنين، وطبيعي في فترة المراهقة إن ولادنا بيبعدوا شوية عننا ويبدأوا يكونوا عالمهم الخاص وبيتعلقوا أكتر بصحابهم، لكن لو أنا مأسسه ابني صح هيرجع تاني بعد ما مرحلة اللخبطة دي تخلص ويدخل في سن الرشد”.

واختتمت “السن اللي بننصح به لنزول الحضانة هو من أول سن سنتين عشان الطفل يقدر يعبر لو في حاجة حصلت وعشان هو سيكولوجيا بيكون محتاج أمه أكتر بذات قبل سنتين. لكن لو في ظرف أو ضرورة ممكن ينزل من أول سنة ونص لكن مش قبل كدة”.


الكلمات المتعلقة‎


مواضيع ممكن تعجبك