تستمع الآن

فراس سعيد: لا أمانع العمل في مسلسلات 60 حلقة بشرط أن يكون المضمون جيد وغير ممطوط

الخميس - ٠٩ أغسطس ٢٠١٨

قال فراس سعيد إنه لا يمانع العمل في مسلسلات 45 أو 60 حلقة مؤكدا أن شرطه أن يكون المضمون محترم والحلقات مكتوبة بشكل جيد وغير ممطوطة.

وأضاف خلال حواره مع زهرة رامي ومروان قدري في برنامج “عيش صباحك” على نجوم إف إم “الفرق بين الفيلم ومسلسل للفنان إن سيناريو الفيلم قدامك فهتقراه كذا مرة وتحضر نفسك ليه أما المسلسلات ف الدنيا بتبقى مش واضحة والعمل مش بيبقى كامل قدامك من البداية. عموما أي حاجة بتتحضر وبتاخد وقتها في التحضير بتظهر وبيبان الفرق في الشاشة”.

وعن نوعية الأعمال الفنية التي لا يفضل فراس العمل فيها قال “المتعة بالنسبة لي هي التغيير وإني مافضلش بقوم بنفس نوعية الأدوار. لكن أكتر نوعية أعمال فنية مش هحب أشتغل فيها هي الحاجات الموسيقية والكوميديا بردو، ماعتقدش إني اقدر أعمل كوميديا الإفيه خصوصا إن أنا مابحبش أصلا حتى إني أتفرج على كوميديا الإفيه عشان كده ماعتقدش إني أقدر أعملها”.

وفي سؤاله عن أعماله الفنية القادمة قال “بقرأ كذا حاجة الفترة دي وشكلها كدة هتبقى سنة أفلام، قدامي كذا سيناريو كويس، بس لسه مافيش أي قرارات اتاخدت أنا في مرحلة قراءة وتفكير خصوصا بعد ضغط رمضان”.


الكلمات المتعلقة‎


مواضيع ممكن تعجبك