تستمع الآن

خبيرة تغذية: الشاي الأخضر يعمل على تكسير الدهون وتحويلها إلى طاقة

الأربعاء - ٠٨ أغسطس ٢٠١٨

قالت دكتورة ريهام شاكر خبيرة تغذية إن الشاي الأخضر يساعد على فقدان الوزن في حالة الحصول على طعام متوازن وشربه صباحا وعدة مرات خلال اليوم، حيث أنه يعمل على تكسير الدهون وتحويلها إلى طاقة.

وأضافت ريهام شاكر خلال حوارها مع زهرة رامي ومروان قدري في برنامج “عيش صباحك” على نجوم إف إم “بالرغم من فوائد الشاي الأخضر إلا إنه بيقلل امتصاص الجسم للحديد لو اتاكل بعد وجبة فيها حديد عشان كدة الحل اني احط عليه ليمون سواء أعصره عليه بعد ما يكون اتغلى أو اني أقطع الليمون وأحطه عليه”.

وتابعت “لو عايزة أعوض فوائد الشاي الأخضر والكافيين لو أنا مش بحب أشربهم ممكن أشرب كاكاو غامق غير محلى. ولو عندي أنيميا يفضل إني ماشربش شاي أخضر كتير، ولو هشرب أشربه قبل الأكل أو بعده بساعتين وأحط عليه ليمون”.

دكتورة ريهام شاكر خبيرة التغذية
دكتورة ريهام شاكر خبيرة التغذية

وعن الفاكهة والعصير قالت “أكل الفاكهة مفيد بس طبعا مش بكميات كبيرة عشان مايحصلش انتفاخ. مشكلة العصير إننا لما بنعصر الفاكهة الفيبر بتاعها، اللي هو بيخلينا شابعانين لفترة طويلة، بيروح وبيفضل السكر بس، فبنخسر جزء كبير من فائدة الفاكهة، عشان كدة الأفضل والأفيد إني أكل الفاكهة ماعصرهاش”.

وأردفت “الغلطات اللي بتخلينا مانخسش إننا بنشرب حاجات كلها سكر كتير ومشروبات غازية وكمان أكل الوجبات السريعة. مهم كمان إني أكل في طبق صغير وأشرب في كوباية صغيرة عشان ماحسسش نفسي بحرمان”.

أما عن الجوع في وقت متأخر من الليل قالت “بالليل لو بنسهر هرمون الميلاتونن بيسبب شعور بالجوع، ولما أحس بجوع بالليل ممكن أكل بطاطا وأحط عليها عسل وقرفة ودي هتشبعنا. عموما لازم اسمع كلام جسمي وأشوف هو محتاج ايه وأديهوله بس بشكل مفيد وماحرموش عشان اللي بيحرم جسمه مش بيكمل وبيزهق في وقت معين”.


الكلمات المتعلقة‎


مواضيع ممكن تعجبك