تستمع الآن

تامر حسني يكشف عن سر اتجاهه للإنتاج: “لازم نقلة نوعية في الموسيقى”

الأحد - ٠٥ أغسطس ٢٠١٨

كشف الفنان تامر حسني، عن السبب وراء اتجاهه إلى الإنتاج الفني لألبومه الغنائي الجديد “عيش بشوقك”، والذي طرح في الأسواق خلال الأيام الماضية، حيث حقق نجاحًا منذ طرحه.

وقال تامر حسني عبر تدوينة على صفحته الرسمية على موقع “فيسبوك”، “اتسألت كتير السؤال ده (أنت ليه انتجت؟)

الحقيقة من وجهة نظري المتواضعة كان لازم يكون في نقلة نوعية في الموسيقى في مصر والوطن العربي عشان الجمهور يستحق مننا كده بحكم تطلعه وإدراكه الكبير بالموسيقى العالمية”.

وأكمل: “الجمهور يستحق مننا أننا نتعب أكتر عشانه بفن راقي يستحق أن يكون واجهة موسيقية مشرفة لبلدنا ووطنا وتاني حاجة بحكم أني فنان أنعم الله عليا والحمدلله بمكانة دولية كبيرة في قلوب جماهيري في بلدي مصر وجميع بلاد الوطن العربي والمغتربين في جميع أنحاء العالم وبعض الجماهير الأجنبية التي تتابعني”.

وتابع: “كان لازم أتعب كده عشان (التعب على قد المكانة) مش قادر أوصفلكم فرحتي بردود أفعالكم الجميلة على تعبي وتعب شركتي

والنجاح ده وراه خلية نحل كبيرة بجد أبطال، وأنا هشكرهم بطريقتي الفترة الجاية بس مش عايز أحرق هعمل إيه بس اللي عايزكم تعرفوه أن والله الشركة دي كلها شغالة من غير ولا عقد ورقي، ولكن عقدنا الوحيد ووعدنا الوحيد هو الحب والإخلاص اللي في قلوبنا لبعض”.

كان تامر حسني قد أعلن قبل أيام من صدور ألبومه الغنائي، تصوير 13 أغنية من ألبومه “عيش بشوقك”، مضيفًا: “. أنا بحضر الأفكار من سنتين وبجد عمري ماتعبت في حياتي في شغلي قد ما تعبت السنتين دول”.


الكلمات المتعلقة‎


مواضيع ممكن تعجبك