تستمع الآن

أخصائية تغذية علاجية: البطاطا من الأكلات الصحية وتساعد على الشعور بالشبع

الأربعاء - ٢٩ أغسطس ٢٠١٨

قالت كارين ظريفة أخصائية تغذية علاجية إن البطاطا تعتبر من الأكلات الصحية وتساعد على الشعور بالشبع، لكن يفضل أكل قطعة واحدة منها.

وأضافت خلال حوارها مع زهرة رامي ومروان قدري، في برنامج “عيش صباحك” على نجوم إف إم “لما أحس بالجوع لازم أبدأ أسأل نفسي هل أنا جعان فعلا الجوع اللي هو بيقرص على المعدة وبيخليها تعمل أصوات، ولا أنا مجرد نفسي بس أكل وخلاص، لو مش جوع حقيقي أحاول ألهي نفسي في أي حاجة زي إني أتفرج على التليفزيون أو أتكلم في التليفون وممكن أدي الجسم حاجة صغيرة جدا عشان مابقاش حرمت الجسم تماما بردو”.

وتابعت “إحنا لما بناكل، بناكل عشان 3 حاجات، أو حاجة الطاقة، تاني حاجة التغذية وتالت حاجة المتعة بالأكل فلما أجي أعمل دايت أو نظام غذائي لازم أفكر في التوازن بين الـ 3 حاجات، وأقكر إيه النظام اللي هيفدني وفي نفس الوقت هقدر أستمر عليه لفترة طويلة”.

وعن الشاي الأخضر قالت “الشاي الأخضر له فوائد كتير غير اللي الناس عارفاه، هو في مادة مضادة للأكسدة وبيجدد خلايا الجسم بيزود المناعة، لكن موضوع التخسيس ده فهو ممكن يساعد فيه بس بنسبة بسيطة جدا مع الانتظام عليه يوميا، وكل يوم من كوبايتين لتلاتة”.

وأردفت “لازم لو هاكل شوكولاته أكلها وأنا شبعانة يعني ماكلهاش وأنا جعانة عشان ماكلش كميات كبيرة، وأحاول ماخليهاش متواجدة دايما حواليا”.

أما عن أهمية الكاربوهايدرات قالت “الكاربوهايدرات الناس فاكراها رز ومكرونة وعيش بس، لا الكاربوهايدرات موجودة بردو في الخضار النشوي زي البطاطس وفي الألبان زي الرايب. أهمية الكاربوهايدرات إنه بيديني الطاقة السريعة اللي جسمي محتاجها”.

واختتمت “مابرشحش الكيتوجينيك دايت لأنه مابيبقاش فيه حاجات كتير من الجسمي محتاجها، بفضل أمشي على نظام بيدي لجسمي كل الحاجات والفوائد اللي محتاجها. وبالنسبة للديتوكس لو حد عنده قرحة في المعدة يبعد عن شربه”.


الكلمات المتعلقة‎


مواضيع ممكن تعجبك