تستمع الآن

فيفي عبده: خسارة منتخب مصر مش ذنبنا.. وكنت أقرأ القرآن لهم وفى الآخر لبست العمة

الثلاثاء - ١٧ يوليو ٢٠١٨

بعد تعرضها لهجوم كبير خلال منافسات كأس العالم، بسبب سفرها ضمن بعثة ن الفنانين لتشجيع منتخب مصر في مونديال روسيا، قررت الفنانة فيفى عبده، الدفاع عن موقفها ضد منتقديها، بعد “صفر المونديال”.

وقالت فيفي في تصريحات تليفزيونية: “ربنا عاوز كدا.. واللي حصل مش ذنبنا، وأنا ست وطنية وبحب بلدي، والدم اللى فى جسمى مصرى، وكان كفاية كدا على المدرب العجوز اللى اسمه كوبر، وأن يستعينوا بالشباب”.

وأضافت، أنها لأول مرة تشاهد اللاعبين على الطبيعة كان فى روسيا، معقبة أنها ستكون المرة الأخيرة لها أيضًا.

وواصلت: “والله من كتر السلالم اللى طلعتها طفحت الدم، وقلبى وجعنى وكان نفسى أروح، ومقولناش لحد خدنا عشان نشجع، وفى الآخر لبست العمة”، معتبرة أن هناك مبالغة فى الهجوم عليها.

وتابعت :”مش ذنبى اللى حصل.. وأنا مبحبش الكورة، بس بحب اللعبة الحلو، وكنت رايحة أشجع بلدى، وكنت أقرأ القرآن للمنتخب”.

وأشارت إلى أن الفنانين تعرضوا لظلم كبير، وأن البعض ألصق بهم تهمة التسبب في خسارة المنتخب دون وجه حق.

واختتمت: “لو كانوا كتبوا لي عماير الدنيا دي كلها مش عايزاها ولا اتكسر الكسرة دي”، في إشارة إلى الأداء الهزيل والخروج المبكر للمنتخب من دور المجموعات بلا نقاط.


الكلمات المتعلقة‎


مواضيع ممكن تعجبك