تستمع الآن

فنانون يدافعون عن زواج معز مسعود بشيري عادل: “يمكن قصة حب”

الإثنين - ١٦ يوليو ٢٠١٨

دافع عدد من الفنانين في الوسط الفني بمصر عن زواج الداعية الإسلامي معز مسعود بالفنانة الشابة شيري عادل، بعد انفصاله بفترة قليلة عن المرشدة السياحية بسنب نور الدين.

ووفقًا للخبر الذي قرأته مارينا محفوظ عبر برنامج “كلاكيت” على “نجوم إف إم”، اليوم الإثنين، فإن عدد كبير من نشطاء موقع التواصل الاجتماعي “تويتر”، هاجموا معز مسعود بعد إعلان زواجه من شيري عادل، حيث إن البعض رأى أنه فترة الانفصال والزواج قليلة جدًا خاصة أن زواجه من بسنت لم يستمر سوى 6 أشهر.

وتحدث عدد من الفنانين عن رأيهم في زواج معز بشيري، حيث كتب المخرج مجدي الهواري عبر صفحته على “انستجرام”، رؤيه في الزواج، قائلا: “يا جماعة ليه الهري في موضوع جواز معز مسعود وشيري عادل.. دول اتجوزوا على سنة الله ورسوله يعني مأذون وشهود ومهر وشبكة .. عيب بقى”.

وأكمل: “وبعدين إحنا ليه بنشوف نص الكوب.. مش يمكن قصة حب، ولا هو علشان بيقول قال الله وقال الرسول مش من حقه يحب.. ولا هي علشان ممثلة تبقى حرام تتجوز”.

ياجماعة ليه الهري في موضوع جواز #معز_مسعود و #شيري_عادل هما متقفشوش في شقة مفروشة علي فكرة !!! ولا خدها واحد عرفي ع الماشي دول اتجوزوا ! علي سنة الله ورسوله يعني مأذون وشهود ومهر وشبكة #عيب بقي وبعدين احنا ليه بنشوف نص الكوب … مش يمكن قصة #حب ، ولا هو علشان بيقول قال الله وقال الرسول مش من حقه يحب !! ، ولا هي علشان #ممثلة تبقي حرام #تتجوز !!! انا شخصيا يتبعه وشايف انه راجل متوازن جداً وغير مدعي زي غيره ، وكل تصرفاته في النور ، كان ممكن يتجاوزها في السر علي فكرة زي كتير منهم وعادي ،، كونهم أعلنوا في حد ذاته هو احترام لينا وللرآي العام انا بتكلم دفاعاً عنهم بنيابة عن اهلهم اللي مش حلو يقروا اللي بيتكتب عن ولادهم ده عيب !! فانقول #مبروك_للعروسين بقي ولا هو اَي فضاااا #مبروك وبالتوفيق وحياة سعيدة ان شاء الله وعلي رآي #شادية في #معبودة_الجماهير لما سألها الجمهور امتي الفرح قالتلهم : لما #يخلص_فستان_الفرح #مجدي_الهواري #الحب_مش_عيب

A post shared by Magdy Elhawary (@magdyalhawary) on

وأوضح الهواري: “أنا شخصيًا بتابعه وشايف أنه راجل متوازن جدًا وغير مدعي زي غيره، وكل تصرفاته في النور، كان ممكن يتجوزها في السر على فكرة زي كتير منهم وعادي، كونهم أعلنوا في حد ذاته هو احترام لينا وللرأي العام”.

واستطرد: “أنا بتكلم دفاعًا عنهم بنيابة عن أهلهم اللي مش حلو يقروا اللي بيتكتب عن ولادهم ده عيب.. فنقول مبروك للعروسين وبالتوفيق وحياة سعيدة إن شاء الله”.

من جانبه، علق الشاعر أمير طعيمة من خلال صفحته على “تويتر” على الزواج، مشيرًا إلى أن معلوماته أن الزواج عبارة عن عقد بين الطرفين.

وقال طعيمة: “هو السوشيال ميديا في الكوكب ده كله زي مصر والوطن العربي، يعني الناس بيعلقوا يوميًا على كل نفس شارد بما في ذلك التصرفات اللي مفترض أنها طبيعية أو شخصية”.

وأكد: “معلوماتي أن الزواج عقد بين طرفين ومش مطلوب منهم ياخدوا رأي الكوكب قبل ما يرتبطوا.. أنت بتحلل وتقبل وترفض بصفتك إيه؟”.

كما هنأت الفنانة روجينا، صديقتها الفنانة شيري عادل على الزواج، مضيفة: “ألف مليون مبروك ياشيري.. يارب تكونى عايشة أحلى قصه حب تسعد قلبك”.

وعلق الفنان الشاب عمرو عبدالعزيز على الزواج، خلال صفحته على “فيسبوك”، قائلا: “طبعًا الناس مش هاتسكت وكل واحد هايعمل نفسه الحاكم بأمر الله ويقعد يهري والنَّاس تهري وتهري وتهري وتهري عشان الفراغ القاتل

لكن نقولهم مبرووووك ونفرح أنهم اتجوزوا على سنة الله ورسوله”.

وأوضح: “الناس مش هايعجبها طبعا اللى حلّلوا ربنا.. أنا عن نفسى هأقول من قلبي مبرووك لشيرى ومعز، وربنا يهدي سركم ويبعد عنكم عين الناس المريضة”.

كان معز مسعود قد تزوج من الفنانة الشابة شيري عادل في سرية بعيدًا عن أعين وسائل الإعلام، وذلك بعد أشهر قليلة من انفصاله من المرشدة السياحية بسنت نور الدين.

إعلان زواج معز وشيري جاء من خلال بيان إعلامي خاص بمسلسل “السهام المارقة”، والذي عرض خلال شهر رمضان الماضي، وأنتجه الداعية المشهور، حيث أشار البيان إلى أنه سيكون هناك جزء جديد بأبطال جدد.


الكلمات المتعلقة‎