تستمع الآن

صاحبة مبادرة ‘وندر’ للسفر: حجز تذاكر الطيران قبل فترة من موعد السفر ضروري للحفاظ على الميزانية

الثلاثاء - ١٠ يوليو ٢٠١٨

تحدثت أمنية عفيفي صاحبة مبادرة Wonder لدعم الأمهات، عن تجربتها في تنظيم رحلات سفر للأمهات بحيث يستمعتن بأوقاتهن بدون شعور بالذنب.

وقالت خلال حوارها مع رنا خطاب في برنامج “بنشجع أمهات مصر” على نجوم إف إم: إن أهم شيء في تنظيم ميزانية السفر هي حجز تذاكر طيران بأسعار جيدة وذلك عن طريق التخطيط والمتابعة للوصول إلى سعر معقول والحجز قبل موعد السفر بفترة، مضيفة أن الإقامة ليس ضروري أن تكون 5 نجوم وأن أهم شيء أن يكون مكان نظيف. وأضافت أن إلغاء التسوق يحافظ على توازن الميزانية أثناء السفر”.

وأضافت أمنية “أنا بحب السفر والكتابة، كنت بشتغل قبل كدة شغل فيه ضغط كبير، ولما أختي اتوفت من 3 سنين، قررت أغير حياتي وإني أعمل الحاجة اللي بحبها وهي السفر. الموضوع ابتدى كهواية، ولما الموضوع كبر وناس كتير حبت تسافر معايا قررت أغير الموضوع لبيزنس”.

امنية عفيفي صاحبة مبادرة وندر لدعم الأمهات

وتابعت “الستات بتحتاج تشجيع عشان تاخد خطوة السفر أو الخروج، وبتحتاج تحس بالأمان وده بتحس بيه معانا عشان في مجموعة، كمان ضروري إنها ماتحسش بتأنيب ضمير إنها خارجة وبتتفسح لأننا عندنا ثقافة تأنيب ضمير الست لو عملت حاجة لنفسها”.

أول رحلة

وعن أول رحلة تنظمها قالت “أول رحلة لينا كستات كانت مع أولادنا للنوبة وسافرنا بالقطر. من أكتر الحاجات اللي حبتها في النوبة هي أهل البلد نفسهم”.

أما عن السفر إلى بالي قالت “بالي من أجمل الأماكن اللي روحتها، وبالنسبة لي بتبوظ أي مكان بتروحه بعدها بسبب جمالها الشديد. وتجربة السفر لبالي والأنشطة اللي عملناها هناك غيرتني وغيرت تفكيري عن نفسي خصوصا تجرية طلوع الجبل اللي فيه البركان. وشخصيا بنبهر بشرق أسيا أكتر من أوروبا، البيوت هناك غير أي بيوت والناس عاداتهم وحتى أكلهم مختلف وجميل”.

وأردفت “سريلانكا كمان حبيتها أوي واتبسطت أوي لما شوفت مزارع الشاي، وبعتبرها من أجمل الطبيعة والمساحات الخضراء اللي في العالم”.

واختتمت “السفر تجربة كاملة، واحنا نفس الفلوس اللي ممكن نصرفها على السفر بتتصرف على حاجات تانية بردو، السفر مش فلوس زيادة، هي هي نفس الفلوس بس الفكرة هنصرفها على إيه”.


الكلمات المتعلقة‎


مواضيع ممكن تعجبك