تستمع الآن

دنيا عبد العزيز لـ “عيش صباحك”: مسلسل “رحيم” أحد أهم الأعمال بالنسبة لي

الخميس - ٠٥ يوليو ٢٠١٨

قالت الفنانة دنيا عبد العزيز، أن رحيم أحد أهم الأعمال بالنسبة لها، مضيفة أنها كانت متحمسة للتجربة، خاصة بسبب ثقتها في شركة الإنتاج.

وأضافت دنيا عبد العزيز خلال حوارها مع مروان قدري في برنامج “عيش صباحك” على نجوم إف إم “مضيت العقد مع شركة الإنتاج قبل حتى ما أقرأ السكريبت وأعرف دوري، وده لثقتي الكبيرة فيهم”.

وتابعت “بهتم أسمع وأعرف أراء الناس في الأعمال اللي بقوم بيها من خلال الشارع أو السوشيال ميديا أو الوسط الفني لأن النقد البناء مفيد”.

وأردفت “الشكل الخارجي ولون الشعر الأسود واللبس والتفاصيل بتأثر على الشخصية. والأسئلة الكتير زي لما حد يسألني ليه رحاب، اللي بجسد شخصيتها في رحيم، عملت كدة في أخوها أو اتصرفت بشكل معين، بتحسسني إن الناس حابة الدور ومركزة مع الشخصية ومهتمة بيها ومش بيضايقني”.

ياسر جلال ودنيا عبد العزيز في مسلسل رحيم
ياسر جلال ودنيا عبد العزيز في مسلسل رحيم

وعن رأيها في العمل مع مخرجين أو منتجين جدد قالت “العمل مع المخرجين الجداد أو شركات الإنتاج الجديدة مقبول بالنسبة لي ومش رافضة الفكرة. أول عمل لرامي إمام في فيلم أمير الظلام ده كان أول عمل ليه كمخرج وأنا كنت ضمن فريق العمل ده”.

وعن مشاركاتها السينمائية قالت “مش بحب فكرة إني أبقى متواجدة وخلاص وفي كذا حاجة اتعرضت عليا الفترة دي ورفضتها لإني حسيت إن مفيش حاجة فيهم هتضفلي، وأنا محتاجة عمل سينمائي جديد يضفلي مش بس أتواجد. ودلوقتي في ورق عندي لفيلم جديد بس لسه بقرأ وبفكر”.

أما عن رأيها في سبب إتجاه النجوم الكبار للدراما قالت “الدراما دلوقتي هي الموضة، عشان كدة أغلب النجوم الكبير أتجهوا ليها. السينما بدأت تقل شوية من بعد فترة الثورة. زمان كان العكس الاتجاه كان للسينما أكتر”.


الكلمات المتعلقة‎


مواضيع ممكن تعجبك